રાજકોટઃ CM રુપણીના ઘર સામે જ દલિતોનો આત્મદાહનો પ્રયાસ

રાજકોટ(TNN): મુખ્યમંત્રી વિજય રુપાણીના રાજકોટ ખાતેના નિવાસસ્થાનની બહાર દલિત પરિવારના 4 સભ્યોએ આત્મદાહનો પ્રયાસ કરતા તમની ધરપકડ કરવામાં આવી હતી. બુધવારે બનેલી આ ઘટનામાં પોલીસે કહ્યું કે, ‘રાજકોટ જિલ્લાના પડધરી તાલુકાના નાની અમરેલી ગામના નિવાસી હેતલ મકવાણા, રાજકોટ શહેરના નાના મૌવા રોડ પર આવેલ આમ્બેડકર નગરમાં રહેતા દક્ષા મહિધા, ધર્મિષ્ઠા ખિમસુરીયા અને સંજય ખિમસુરીયાએ જ્યારે પોતાના પર કેરોસીન છાંટી દિવાસળી ચાંપવાનો પ્રયાસ કર્યો હતો ત્યારે તેમની ધરપકડ કરવામાં આવી હતી.’ રાજકોટના ગાંધીગ્રામ પોલીસ સ્ટેશનના અધિકારીએ જણાવ્યું કે, ‘આગોતરા સુરક્ષાના પગલાને જોતા અમે પહેલાથીજ CM રુપાણીના બંગલે પોલીસ સ્ટાફ, ફાયર બ્રિગેડ તેમજ એમ્બ્યુલન્સને હાજર રખ્યા હતા.’ આત્મદાહનો પ્રાયસ કરનાર લોકો નાની અમરેલી ખાતે રહેતા હેતલ મકવાણાના પતિ અને દલિત એક્ટિવિસ્ટ રમેશ મકવાણા પર કરવામાં આવેલ હુમલાનો વિરોધ કરી રહ્યા હતા. રમેશ મકવાણા પર હુમલો તેમના દ્વારા કરવામાં આવેલ નિલકંઠ પેપર મિલ વિરુદ્ધ દેખાવોને લઈને કરવામાં આવ્યો હોવાોનું દેખાવકારોનું કહેવું હતું. ઉલ્લેખનીય છે કે રમેશ મકવાણાએ નાની અમેરેલીમાં નિલકંઠ પેપર મિલ પ્રદૂષણ ફેલાવતી હોવાના આરોપસર દેખાવ કરી વિરોધ નોંધાવ્યો હતો. જે બાદ તેમના પર કેટલાક તત્વોએ હુમલો કર્યો હતો. દેખાવકારોનું કહેવું છે કે આ હુમલા પાછળ ભાજપના ભૂતપૂર્વ ધારાસભ્ય રમેશ રુપાપરાનો હાથ છે. તેમજ તેમણે રુપાપરા ઉપરાંત હુમલામાં સામેલ વ્યક્તિઓ વિરુદ્ધ FIR પણ નોંધાવી હતી. ગત 17મી મેના રોજ રમેશ મકવાણાએ ગુજરાત પોલ્યુશન કંટ્રોલ બોર્ડ ખાતે પેપર મિલ વિરુદ્ધ ફરિયાદ કરી હતી. જે વાતનો ખાર રાખીને 19મી મેના રોજ પેપર મિલના માલિક અમ્બા વાડોદરીયાની સાથે કુલ 14 વ્યક્તિઓએ લોખંડના પાઇપ સાથે રમેશ મકવાણા પર હીચકારો હુમલો કર્યો હતો. જ્યારે આ દરમિયાન હુમલો કરનારાઓમાં સામેલ ભાવેષ વાડોદરિયાએ પોતાની પિસ્તોલમાંથી હવામાં ફાયર પણ કર્યું હતું. હુમલામાં ઘાયલ મકવાણાને ખૂબ જ ગંભીર હાલતમાં હોસ્પિટલ લઈ જવામાં આવ્યા હતા. આ દરમિયાન પોતાના નિવેદનમાં મકવાણાએ જણાવ્યું કે તેમના પર હુમલો કરનાર લોકએ તેમની જાતિ અંગે પણ અપમાનજનક શબ્દો કહ્યા હતા. જોકે ફરિયાદ પછી પણ આ કેસમાં હજુ સુધી કોઈપણ આરોપીની ધરપકડ કરવામાં આવી નથી.