સગર્ભા મહિલા કણસતી રહી, ડૉક્ટર આવ્યા જ નહીં અને અડધું બાળક બહાર આવી ગયું...

રાજકોટ: પસુતિની પીડાથી કણસી રહેલી સગર્ભાને ડોક્ટર હાજર ન હોવાથી પરિવારજનોએ જ ડિલિવરી કરાવી પડી હોવાની ચોંકાવનારી ઘટના કોટડા સાંગાણીમાં સામે આવી છે. અહીંના સામુહિક આરોગ્ય કેન્દ્રમાં મહિલાને પ્રસુતિ માટે લાવવામાં આવી હતી. જોકે, ચોવીસ કલાક સુધી ત્યાં કોઈ ડોક્ટર હાજર નહોતા. મહિલાના પરિવારજનો હાંફળા-ફાંફળા બની ડોક્ટરને શોધી રહ્યા હતા પરંતુ તેમનો ક્યાંય પત્તો જ નહોતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો એક સ્થાનિક અખબારના અહેવાલ અનુસાર, રુખસારબેન ભખ્ખર નામના 27 વર્ષીય મહિલાને ડિલિવરી માટે પ્રાથમિક આરોગ્ય કેન્દ્રમાં લવાયા હતા. ડોક્ટરની ગેરહાજરીમાં મહિલાના ગર્ભમાંથી અડધું બાળક બહાર આવી જતાં આખરે તેના પરિવારજનોએ જ તેની ડિલિવરી કરાવવી પડી હતી. આ અંગે જાણ થતાં ગામના લોકોમાં રોષ ફાટી નીકળ્યો હતો, અને મોટી સંખ્યામાં લોકોએ પ્રાથમિક આરોગ્ય કેન્દ્ર પર પહોંચીને જોરદાર હોબાળો મચાવ્યો હતો. લોકોના રોષને જોતાં જિલ્લા આરોગ્ય અધિકારી તાત્કાલિક હોસ્પિટલ પહોંચ્યા હતા. આ મામલે હોસ્પિટલના સુપ્રિન્ટેન્ડેન્ટ પાસેથી ડોક્ટરોની રજા અંગેનો ખુલાસો મગાયો છે.