સુરતઃ કેટલાંક વ્યાજખોરો લોકોની મજબૂરીનો લાભ ઉઠાવીને ઉંચા વ્યાજે રુપિયા ફેરવતા હોય છે. જ્યારે મજબૂર વ્યક્તિ વ્યાજ ન ભરી શકે કે રુપિયા પરત ન કરી શકે ત્યારે તેમની પાસેથી પઠાણી ઉઘરાણી કરવામાં આવે છે. જે બાદ કેટલાંક લોકો તો આપઘાત કરે એવા કિસ્સા પણ ભૂતકાળમાં સામે આવી ચૂક્યા છે. ત્યારે આવા વ્યાજખોરો સામે સુરત પોલીસે તવાઈ બોલાવી છે. સુરત પોલીસે ખાનગી ફાઈનાન્સરો સામેની જુંબેશના ભાગરુપે સોમવારે 14 વ્યક્તિઓ સામે ગુનો નોંધ્યો હતો અને કાર્યવાહી હાથ ધરીને 12ની ધરપકડ કરી હતી.
પોલીસ તપાસમાં સામે આવ્યું કે, આરોપીઓએ ઉધાર રુપિયા લેનારાઓનને આપેલી 19 લાખની લોનની રકમ સામે રુપિયા 37 લાખ વસૂલ્યા હતા. જો કે, તેમની પાસે જે ચોપડા હતા તે દર્શાવે છે કે લોન ચૂકવાઈ નહોતી અને લોન લેનારાઓ પર લોન અને તેના પરનું વ્યાજ ચૂકવવાનું ચાલુ રાખવાનું દબાણ કરવામાં આવ્યું હતું. પાંડેસરા અને ખટોદરા પોલીસ સ્ટેશનની હદમાં આ ડ્રાઈવ હાથ ધરવામાં આવી હતી. પોલીસ એવા પીડિતોને શોધી રહી છે કે જેમને ધમકી આપવામાં આવી હતી. બાદમાં તેઓએ પોલીસ ફરિયાદ નોંધાવી હતી.
આરોપીઓમાં AAPના નેતાનો પણ સમાવેશ
આરોપીઓમાં એક મહિલાનો પણ સમાવેશ છે અને તેનું નામ કિરણ શાહ છે. જે કામરેજમાંથી ફાઈનાન્સ રેકેટ ચલાવતી હતી. જ્યારે અન્ય આરોપીઓમાં આમ આદમી પાર્ટીના નેતા ગૌતમ પટેલનો પણ સમાવેશ થાય છે. જો કે, પોલીસે 12 આરોપીઓની ધરપકડ કરીને આગળની કાર્યવાહી હાથ ધરી છે. શહેર પોલીસ કમિશનર અજય તોમરે જણાવ્યું કે, ખાનગી ફાઈનાન્સરો લાઈસન્સ વિના આ કામ કરી શકે નહીં. નિયમો મુજબ, ફાઈનાન્સર 1.75 ટકાથી વધુ દરે વ્યાજ વસૂલી શકે નહીં. પરંતુ આ આરોપીઓ દર મહિને 6 ટકા જેટલું વ્યાજ વસૂલતા હતા.
વર્ષો સુધી લોન જ ભરતા રહે
તેઓએ આગળ જણાવ્યું કે, જે વ્યક્તિએ રુપિયા ઉધાર લીધા હોય અને મિનાના અંતે વ્યાજ ચૂકવવામાં નિષ્ફળ જાય તો લોન આપનાર મૂળ લોનની રકમમાં એ રકમ ઉમેરી દેતા હતા. જેથી ઉધાર રુપિયા લેનારાને વર્ષો સુધી લોન ચૂકવવાનો વારો આવે છે અને તેઓ આ વ્યાજના ચક્રમાંથી ક્યારેય બહાર નીકળી શકે નહી. પોલીસે આ રીતે ગેરકાયદે ધંધો ચલાવતા ખાનગી ફાઈનાન્સરો સામે કાર્યવાહી કરવા માટે ઝુંબેશ શરુ કરી છે. ગેરકાયદે ધિરાણ પીડિતોને ત્રાસ અને બળજબરી વસૂલી તરફ દોરી જાય છે.
Read Latest Surat News And Gujarat News
પોલીસ તપાસમાં સામે આવ્યું કે, આરોપીઓએ ઉધાર રુપિયા લેનારાઓનને આપેલી 19 લાખની લોનની રકમ સામે રુપિયા 37 લાખ વસૂલ્યા હતા. જો કે, તેમની પાસે જે ચોપડા હતા તે દર્શાવે છે કે લોન ચૂકવાઈ નહોતી અને લોન લેનારાઓ પર લોન અને તેના પરનું વ્યાજ ચૂકવવાનું ચાલુ રાખવાનું દબાણ કરવામાં આવ્યું હતું. પાંડેસરા અને ખટોદરા પોલીસ સ્ટેશનની હદમાં આ ડ્રાઈવ હાથ ધરવામાં આવી હતી. પોલીસ એવા પીડિતોને શોધી રહી છે કે જેમને ધમકી આપવામાં આવી હતી. બાદમાં તેઓએ પોલીસ ફરિયાદ નોંધાવી હતી.
આરોપીઓમાં AAPના નેતાનો પણ સમાવેશ
આરોપીઓમાં એક મહિલાનો પણ સમાવેશ છે અને તેનું નામ કિરણ શાહ છે. જે કામરેજમાંથી ફાઈનાન્સ રેકેટ ચલાવતી હતી. જ્યારે અન્ય આરોપીઓમાં આમ આદમી પાર્ટીના નેતા ગૌતમ પટેલનો પણ સમાવેશ થાય છે. જો કે, પોલીસે 12 આરોપીઓની ધરપકડ કરીને આગળની કાર્યવાહી હાથ ધરી છે. શહેર પોલીસ કમિશનર અજય તોમરે જણાવ્યું કે, ખાનગી ફાઈનાન્સરો લાઈસન્સ વિના આ કામ કરી શકે નહીં. નિયમો મુજબ, ફાઈનાન્સર 1.75 ટકાથી વધુ દરે વ્યાજ વસૂલી શકે નહીં. પરંતુ આ આરોપીઓ દર મહિને 6 ટકા જેટલું વ્યાજ વસૂલતા હતા.
વર્ષો સુધી લોન જ ભરતા રહે
તેઓએ આગળ જણાવ્યું કે, જે વ્યક્તિએ રુપિયા ઉધાર લીધા હોય અને મિનાના અંતે વ્યાજ ચૂકવવામાં નિષ્ફળ જાય તો લોન આપનાર મૂળ લોનની રકમમાં એ રકમ ઉમેરી દેતા હતા. જેથી ઉધાર રુપિયા લેનારાને વર્ષો સુધી લોન ચૂકવવાનો વારો આવે છે અને તેઓ આ વ્યાજના ચક્રમાંથી ક્યારેય બહાર નીકળી શકે નહી. પોલીસે આ રીતે ગેરકાયદે ધંધો ચલાવતા ખાનગી ફાઈનાન્સરો સામે કાર્યવાહી કરવા માટે ઝુંબેશ શરુ કરી છે. ગેરકાયદે ધિરાણ પીડિતોને ત્રાસ અને બળજબરી વસૂલી તરફ દોરી જાય છે.
Read Latest Surat News And Gujarat News