સુરત: પિતરાઈ ભાઈએ બે સગી બહેનો પર દુષ્કર્મ આચર્યુ, ફોટા વાયરલ કરવાની ધમકી આપી 10 લાખ માંગ્યા

રાજ્યમાં ધીમે ધીમે ક્રાઈમ રેટ વધી રહ્યો છે. દરરોજ હત્યા અને દુષ્કર્મના અનેક બનાવો સામે આવતા હોય છે. ત્યારે સુરતના સિંગણપોર ખાતે એક દુષ્કર્મની ફરિયાદ નોંધાઈ છે. આ ફરિયાદ અનુસાર બે બહેનો પર તેમના પિતરાઈ ભાઈએ અનેક વખત દુષ્કર્મ આચર્યુ હતુ અને આ બંને બહેનોના ફોટા પાડી લીધા હતા. આ પિતરાઈ ભાઈ બંને બહેનોને ફોટા બતાવીને વાયરલ કરવાની ધમકી આપતો હતો અને બંને બહેનોને હવશનો શિકાર બનાવતો હતો. થોડા દિવસ પહેલા આ પિતરાઈ ભાઈએ બંને યુવતીના પિતાને યુવતીના ફોટા મોકલીને 10 લાખ રૂપિયાની માંગણી કરી હતી. જેથી સમગ્ર મામલે યુવતીના પિતાએ સિંગણપોર પોલીસ સ્ટેશનમાં યુવક વિરુદ્ધ ફરિયાદ નોંધાવી હતી. પોલીસે 28 વર્ષીય અમરનાથ શુક્લા વિરુદ્ધ ફરિયાદ નોંધી તપાસ શરૂ કરી હતી.

બંને બહેનો પર આચર્યુ હતુ દૂષ્કર્મ
અમરનાથ શુક્લા નામનો 28 વર્ષીય યુવક 2012માં સિંગણપોર ખાતે રહેતા પોતાના ફૈબાના ઘરે રહેવા ગયો હતો. આ દરમિયાન અમરનાથ શુક્લાએ તેની પિતરાઈ બહેનને પ્રયોઝ કર્યુ હતુ. જોકે તેની બહેનેએ અમરનાથ શુક્લાનું પ્રપોઝલ ઠુકરાવી દીધુ હતુ. તેમ છતા અમરનાથ તેની બહેનને વારંવાર પ્રપોઝ કરીને હેરાન કરતો હતો. 2017-18માં તેની બહેન જ્યારે ઘરે એકલી સૂઈ રહી હતી ત્યારે અમરનાથે તેના પર નજર બગાડી હતી અને શારિરીક અડપલાં કર્યા હતા અને તેના પર દૂષ્કર્મ આચર્યુ હતુ. દૂષ્કર્મ આચર્યા બાદ અમરનાથ તેની પિતરાઈ બહેનને વારંવાર ધાક ધમકી આપીને દૂષ્કર્મ ગુજારતો હતો. એક વર્ષ પહેલા અમરનાથે તેની પિતરાઈ બહેનને તેની મોટી બહેન સાથે શારિરીક સબંધ બાંધ્યા હોવાના ફોટા પણ બતાવ્યા અને ત્યારબાદ બંને બહેનોને બ્લેકમેઈલ કરવાનું શરૂ કર્યું હતું. અમરનાથ બંને બહેનનોને બ્લેકમેઈલ કરીને ગેસ્ટહાઉસમાં લઈ જઈને વારંવાર દૂષ્કર્મ આચરતો હતો.

પોલીસે અમરનાથની ધરપકડ કરી
થોડા દિવસ પહેલા અમરનાથે બંને બહેનોના બિભિત્સ ફોટા તેમના પિતાને મોકલ્યા હતા અને 10 લાખ રૂપિયાની માંગણી કરી હતી. જેથી તેના વિરુદ્ધ સિંગણપોર પોલીસ સ્ટેશનમાં અમરનાથ શુક્લા વિરુદ્ધ ફરિયાદ નોંધાઈ હતી. સિંગણપોર પોલીસે અમરનાથ શુક્લાની ધરપકડ કરીને વધુ તપાસ શરૂ કરી હતી.