પાછલા થોડા સમયમાં મેડિકલના વિદ્યાર્થીઓ દ્વારા કરવામાં આવતી આત્મહત્યાના કેસમાં વધારો નોંધાયો છે. મોટાભાગના કેસમાં તાણ એક કારણ હોય છે. તાજેતરમાં જ સુરતના સારોલી વિસ્તારમાં BHMSના એક વિદ્યાર્થીએ પણ મોતને વ્હાલુ કર્યું હોવાની જાણકારી સામે આવી છે. આ યુવકે ઈમારતના 10મા માળેથી છલાંગ લગાવી લેતા કમકમાટીભર્યું મોત નિપજ્યું છે. આ ઘટના પછી સમગ્ર વિસ્તારમાં ચકચાર મચી ગઈ છે.
સુરતમાં સ્થિત સ્મીમેર હોસ્પિટલ દ્વારા આપવામાં આવેલી જાણકારી અનુસાર, મૃતક વિદ્યાર્થીનું નામ આશિષ મહેશભાઈ કલસારિયા છે અને તેની ઉંમર 19 વર્ષ હતી. રવિવારની સવારે તેણે સારોલી વિસ્તારમાં આવેલી નેચર વેલી હોમ્સ બિલ્ડિંગના 10મા માળેથી છલાંગ લગાવી હતી. આટલી ઉંચાઈથી નીચે પટકાવવાને કારણે આશિષે ઘટનાસ્થળે જ દમ તોડી દીધો હતો.
પોલીસ દ્વારા પ્રાપ્ત જાણકારી અનુસાર બે વર્ષ પહેલા આશિષ પોતાના ભાઈ સાથે બાઈક પર જઈ રહ્યો હતો. તે સમયે અકસ્માતમાં બન્ને ભાઈ ઈજાગ્રસ્ત થયા હતા પરંતુ આશિષના મોટા ભાઈનું નિધન થયુ હતું. આ ઘટના પછીથી જ આશિષ તણાવમાં રહેતો હતો. પોલીસે સમગ્ર બાબતોની નોંધ લઈને કાર્યવાહી શરુ કરી છે. ઉલ્લેખનીય છે કે થોડા સમય પહેલા જ આશિષને અહીંની એક મેડિકલ કોલેજમાં એડમિશન મળ્યુ હતું. પરિવારમાં એક દીકરાનું અકસ્માતમાં નિધન થયું અને ત્યારપછી બીજા દીકરાએ પણ આ રીતે મોતને વ્હાલું કરતા દુખનો પહાડ તૂટી પડ્યો છે.
સુરતમાં સ્થિત સ્મીમેર હોસ્પિટલ દ્વારા આપવામાં આવેલી જાણકારી અનુસાર, મૃતક વિદ્યાર્થીનું નામ આશિષ મહેશભાઈ કલસારિયા છે અને તેની ઉંમર 19 વર્ષ હતી. રવિવારની સવારે તેણે સારોલી વિસ્તારમાં આવેલી નેચર વેલી હોમ્સ બિલ્ડિંગના 10મા માળેથી છલાંગ લગાવી હતી. આટલી ઉંચાઈથી નીચે પટકાવવાને કારણે આશિષે ઘટનાસ્થળે જ દમ તોડી દીધો હતો.
પોલીસ દ્વારા પ્રાપ્ત જાણકારી અનુસાર બે વર્ષ પહેલા આશિષ પોતાના ભાઈ સાથે બાઈક પર જઈ રહ્યો હતો. તે સમયે અકસ્માતમાં બન્ને ભાઈ ઈજાગ્રસ્ત થયા હતા પરંતુ આશિષના મોટા ભાઈનું નિધન થયુ હતું. આ ઘટના પછીથી જ આશિષ તણાવમાં રહેતો હતો. પોલીસે સમગ્ર બાબતોની નોંધ લઈને કાર્યવાહી શરુ કરી છે. ઉલ્લેખનીય છે કે થોડા સમય પહેલા જ આશિષને અહીંની એક મેડિકલ કોલેજમાં એડમિશન મળ્યુ હતું. પરિવારમાં એક દીકરાનું અકસ્માતમાં નિધન થયું અને ત્યારપછી બીજા દીકરાએ પણ આ રીતે મોતને વ્હાલું કરતા દુખનો પહાડ તૂટી પડ્યો છે.