સુરતઃ અડાજણમાં તૈયાર કરાયું એરપોર્ટ જેવું બસ સ્ટેશન

I am Gujarat

10 કરોડના ખર્ચે અત્યાધુનિક બસ સ્ટેશન

અડાજણમાં જીએસઆરટીસી દ્વારા PPP ધોરણે 10.53 કરોડ રૂપિયાના ખર્ચે અત્યાધુનિક બસ સ્ટેશન તૈયાર કરવામાં આવ્યું છે. બસ સ્ટેશનમાં એરપોર્ટ જેવી સુવિધાઓ આપવામાં આવી છે. બસ સ્ટેશનની મોટાભાગની કામગીરી પૂર્ણ થઈ ચૂકી છે. આગામી દિવસોમાં તેનું લોકાર્પણ કરવામાં આવશે.

અડાજણ, રાંદેર, પાલ વિસ્તારના લોકોને ઉપયોગી

સુરતના વિસ્તારોનો જે પ્રમાણે વિકાસ થઈ રહ્યો છે તેને ધ્યાનમાં રાખીને અડાજણ રાંદેર, પાલ જેવા અનેક નવા વિસ્તારો ડેવલપ થયા છે. અહીંની વસ્તીને ધ્યાનમાં રાખીને આ બસ સ્ટેશન તૈયાર કરવામાં આવ્યું છે.

અનેક સુવિધાથી સજ્જ

આ બસ સ્ટેશનમાં જીપીએસ, પબ્લિક એનાઉસમેન્ટ સિસ્ટમ, વાઈફાઈ, લગેજ ટ્રોલી, સીસીટીવી કેમેરા જેવી અનેક જરૂરી સુવિધા આપવામાં આવી છે.

ટુંક સમયમાં થશે લોકાર્પણ

પીપીપી (પબ્લિક પ્રાઈવેટ પાર્ટનરશિપ) દ્વારા તૈયાર કરવામાં આવેલા આ પોર્ટનું લોકાર્પણ માટેની હજુ સુધી કોઈ તારીખ નક્કી કરવામાં આવી નથી. આ સ્ટેશન પરથી ઉત્તર ગુજરાત, વડોદરા, ભરૂચ, ઓલપાડના રૂટની બસો દોડાવાશે.

સેલ્ફી પોઈન્ટ તૈયાર કરાયો

અહીં બસની રાહ જોઈ રહેલા મુસાફરો માટે બેઠકની વ્યવસ્થા ઉપરાંત સેલ્ફી પોઈન્ટ પણ તૈયાર કરવામાં આવ્યો છે. આ સેલ્ફી પોઈન્ટમાં હાર્ટ આકારનું કટઆઉટ પણ મૂકવામાં આવ્યું છે.