સુરતમાં કોંગ્રેસના ગબ્બરસિંહને પોલીસ પકડીને લઈ ગઈ

નવરંગ સેન | I am Gujarat 28 Nov 2017, 3:19 pm

કોંગ્રેસની રેલીએ ધ્યાન ખેંચ્યું

સુરત: કોંગ્રેસે આજે GSTના વિરોધમાં એક યુનિક રેલીનું આયોજન કરવામાં આવ્યું હતું, જેમાં રસ્તા પર ગબ્બરસિંહની આખી ગેંગ જોવા મળી હતી.

સુરતના ટેક્સટાઈલ માર્કેટમાં આ રેલીનું આયોજન કરવામાં આવ્યું હતું.

આ રેલીમાં શોલે મૂવીના ઠાકુરે પણ દેખા દીધી હતી.

આ રેલીમાં ઠાકુર ‘ગબ્બર તુને અભી તક ટેક્સ બહોત ખાયા, અબ પંજા ખા..’ એવો સૂત્રોચ્ચાર કરી રહ્યા હતા.

મહત્વનું છે કે, રાહુલ ગાંધીએ તાજેતરમાં જ ગુજરાતમાં ‘ગબ્બરસિંહ ટેક્સ’નું ઉપનામ આપી તેનો વિરોધ કર્યો હતો.

સુરતમાં ટેક્સટાઈલની મોટી ઈન્ડસ્ટ્રી આવેલી છે, અને સ્થાનિક વેપારીઓએ તેનો જોરદાર વિરોધ કર્યો હતો.

જોકે, પોલીસે આ રેલીમાં જોડાયેલા લોકોની અટકાયત કરી હતી, અને તમામને પોલીસ સ્ટેશન લઈ જવાયા હતા.

રેલી ચાલુ હતી ત્યારે જ પોલીસ ઈન્સ્પેક્ટરે તમામ લોકોના હથિયાર લઈ લેવા જણાવ્યું હતું. જોકે, આ હથિયાર અસલી હતા કે નકલી તે જાણી શકાયું નથી.