ડાંગઃ 300 ફૂટ ઊંડી ખીણમાં ખાબકી સુરતના વિદ્યાર્થીઓની બસ, 10નાં મોત

I am Gujarat

વિદ્યાર્થીઓથી ભરેલી બસ ખીણમાં ખાબકી

સુરતઃ અમરોલી-છાપરાભાઠા ખાતે ચાલતા ગુરુકૃપા ટ્યુશન કલાસીસના વિદ્યાર્થીઓ ડાંગના પ્રવાસે ગયા હતા. વિદ્યાર્થીઓ શનિવારે સાંજે બસ મારફતે પરત ફરી રહ્યા હતા. આ સમયે મહાલ નજીક બસ 300 ફૂટ ઊંડી ખીણમાં ખાબકી હતી. ટીવી રિપોર્ટસ મુજબ આ ઘટનામાં 10 વિદ્યાર્થીઓનાં મોત થયા હોવાના સમાચાર સામે આવી રહ્યા છે. આ ગંભીર અકસ્માતમાં ઈજાગ્રસ્ત બાળકોને હોસ્પિટલ ખસેડવામાં આવ્યા છે. અમારા ન્યૂઝ Whatsapp પર મેળવવા અહીં ક્લિક કરો

34થી વધુ વિદ્યાર્થીઓ ઈજાગ્રસ્ત

મળી રહેલી માહિતી મુજબ અમરોલીના ખાનગી ક્લાસીસના બાળકો શબરી ધામ અને મહાલ ખાતે પ્રવાસે ગયા હતા. ત્યાંથી પરત ફરતી વખતે કોઈ કારણો સર બસના ચાલકે કાબુ ગુમાવતા બસ 300 ફૂટ ઊંડે ખીણમાં ખાબકી હતી. 34થી વધુ વિદ્યાર્થીઓ ઈજાગ્રસ્ત થાય છે. 2 વિદ્યાર્થીઓની સ્થિતિ ગંભીર હોવાનું તબીબોનું કહેવું છે.

ઈજાગ્રસ્ત બાળકોને હોસ્પિટલમાં ખસેડાયા

બસ ખીણમાં ખાબકતા જ આસપાસના વિસ્તાર બાળકોની ચીચીયારીથી ધ્રુજી ઉઠ્યો હતો. આસપાસના ગામવાસીઓ તાત્કાલિક ઘટના સ્થળે પહોંચી ગયા હતા અને બાળકોને બસની બહાર કાઢીને સારવાર માટે હોસ્પિટલ ખસેડ્યા હતા.

વાલીઓ હોસ્પિટલ દોડી આવ્યા

અકસ્માતની જાણ થતા વાલીઓ સુરતથી હોસ્પિટલ ખાતે દોડી આવ્યા. બાળકોને પ્રાથમિક સારવાર બાદ ખાનગી હોસ્પિટલમાં ખસેડવામાં આવી રહ્યા છે.

ગંભીર અકસ્માત

બસની હાલત જોઈને અંદાજ લગાવી શકો છો કે કેટલો ગંભીર અકસ્માત છે

બસના ટુકડા થઈ ગયા

વિદ્યાર્થીઓ ઈજાગ્રસ્ત

સરકારી તંત્ર દોડતું થયું

હોસ્પિટલમાં અફરા તફરીનો માહોલ