વલસાડ જિલ્લામાં ભારે વરસાદની આગાહી, અધિકારીઓને હેડક્વાર્ટર્સ ન છોડવા જણાવાયું

અમદાવાદ: રાજ્યના હવામાન વિભાગ દ્વારા ઉત્તર ગુજરાત, સૌરાષ્ટ્ર કચ્છ અને દક્ષિણ ગુજરાતમાં આગામી દિવસોમાં ભારે વરસાદની આગાહી કરવામાં આવી છે. તેના પગલે વલસાડ જિલ્લા કલેક્ટર દ્વારા જિલ્લાના તમામ અધિકારીઓને હેડક્વાર્ટર પર હાજર રહેવા અને ડિઝાસ્ટર મેનેજમેન્ટ મુજબ પ્લાન કાર્યવાહી કરવા જણાવાયું છે.

આ પણ વાંચો: ઉત્તર ગુજરાત અને સૌરાષ્ટ્ર-કચ્છમાં 16 અને 17 ઓગસ્ટે ભારે વરસાદની આગાહી

વલસાડ કલેક્ટર અને જિલ્લા મેજિસ્ટ્રેટની કચેરી દ્વારા વલસાડ જિલ્લાના તમામ અધિકારીઓને મોકલાયેલા ચેતવણી મેસેજમાં કહેવાયું છે કે, ભારતીય મોસમ વિભાગ, અમદાવાદની તા. 12 ઓગસ્ટે મળેલી આગાહી મુજબ તા. 12થી 16 ઓગસ્ટ દરમિયાન દક્ષિણ ગુજરાતના વિસ્તારો તેમજ વલસાડ જિલ્લામાં ભારેથી અતિ ભારે વરસાદની આગાહી કરવામાં આવી છે. જેથી આ સમય દરમિયાન લાઈન ડિપોર્ટમેન્ટના તમામ અધિકારીઓ સંભવિત પરિસ્થિતિને પહોંચી વળવા માટેની તૈયારી સાથે હેડક્વાર્ટર્સમાં હાજર રહે અને ડિઝાસ્ટર મેનેજમેન્ટ મુજબ કાર્યવાહી કરે.

તેમાં શહેરી તેમજ ગ્રામ્ય વિસ્તારોમાં પાણી ભરાવવાના કિસ્સામાં તાત્કાલીક નિકાલ વ્યવસ્થા ગોઠવવા અને ખાસ કરીને વલસાડ જિલ્લાના નદી કિનારે આવેલા નિચાણવાળા વિસ્તારના ગામોમાં તકેદારીના તમામ પલા લેવા અને જો કોઈ ઘટના બને તો તાત્કાલીક કન્ટ્રોલ રૂમને જાણ કરવા તેમાં જણાવ્યું છે.