સુરતઃ પતિની માંગણી ન સંતોષાતા પત્નીના હાથની કાપી આંગળીઓ

I am Gujarat

પતિએ કર્યો પત્ની પર જીવલેણ હુમલો

સુરતઃ લાજપોર નજીક આવેલા પોપડા ગામે દારૂના પૈસા ન મળતા પતિએ પત્ની પર જીવલેણ હુમલો કર્યો અને પત્નીના હાથની ત્રણ આંગળીઓ કાપી નાંખી. ઈજાગ્રસ્ત મહિલાને સારવાર માટે સુરત નવી સિવિલ હોસ્પિટલ ખસેડવામાં આવી છે.

કાપી નાંખી હાથની ત્રણ આંગળીઓ

શનિવારે સવારે બળવંતે તેની પત્ની પાસે દારૂ પીવા માટે રૂપિયા માંગ્યા. પત્નીએ રૂપિયા ન હોવાનું કહેતાં બળવંત ઉશ્કેરાઈ ગયો અને તેના પર અસ્ત્રા વડે હુમલો કર્યો. આ દરમિયાન થયેલી ઝપાઝપીમાં પત્નીના જમણા હાથની છેલ્લી ત્રણ આંગળીઓ કપાઈ ગઈ, સાથે ગળાના ભાગે પણ ઈજા પહોંચી હતી. આજુબાજુના લોકો એકઠા થયા અને ઈજાગ્રસ્ત મહિલાને સારવાર માટે હોસ્પિટલમાં ખસેડવામાં આવી. આ મામલે પોલીસ વધુ તપાસ કરી રહી છે.

14 વર્ષ પહેલા કર્યા હતા પ્રેમ લગ્ન

લાજપોર પાસે આવેલા પોપડાગામમાં રહેતા બળવંત રાઠોડે 14 વર્ષ પહેલા પ્રેમ લગ્ન કર્યા હતા. તેમને સંતાનમાં એક પુત્ર અને એક પુત્રી છે. ઘરની ગરીબ પરિસ્થિતીને કારણે પત્ની બૂટ-ચપ્પલ બનાવવાના કારખાનામાં સાફ સફાઈનું કામ કરીને ઘર ખર્ચમાં મદદરૂપ થતી હતી.