સુરતઃ સી.આર.પાટીલની હાજરીમાં પાટીદાર નેતા ધીરૂ ગજેરાએ કેસરીયો ધારણ કર્યો

સુરતઃ આગામી વિધાનસભાની ચૂંટણી માટે તમામ પાર્ટીએ શરૂઆત કરી દીધી છે. નેતાઓ પોતાના લાભ મુજબ એક પાર્ટીથી બીજી પાર્ટી બદલતા જોવા મળે છે. સુરતમાં આમ આદમી પાર્ટીએ પાટીદાર મત મેળવવા માટે મોટા માથાઓને સમાવેશ કરી રહ્યા છે ત્યારે ભાજપે સુરતના ઉદ્યોગપતિ અને કોંગ્રેસ નેતા ધીરુભાઈ ગજેરાએ પોતાની પાર્ટીમાં સમાવેશ કર્યો છે. આજે સુરત ભાજપ કાર્યાલય ખાતે ધીરુભાઈ ગજેરા વિધિવત રીતે ભાજપમાં જોડાયા છે. વર્ષ 2007માં તેઓ ભાજપથી વિખુટા પડ્યા હતા અને હવે તેઓ ફરીથી ભાજપની સાથે જોડાઈ ગયા છે. ભાજપ પ્રદેશ પ્રમુખ સી.આર. પાટીલે ધીરુ ગજેરાને કેસરિયો ખેસ પહેરાવીને પક્ષમાં આવકાર્યા છે.

શિલ્પા શેઠ્ઠીની અઢી કલાક સુધી ‘લેફ્ટ રાઈટ’, પોલીસના આ સવાલોથી અનેક વાર રડી પડી
ધીરૂભાઈ ગજેરા ભાજપમાં સામેલ થતા એવું કહેવામાં આવી રહ્યું છે કે, પાટીદાર સમાજની નારાજગી દૂર કરવામાં ભાજપ સફળ થઈ રહી છે. ધીરૂ ગજેરા વર્ષ 2017માં વિધાનસભાની ચૂંટણીમાં વરાછા બેઠક પરથી કોંગ્રેસના ઉમેદવાર રહ્યા હતા પરંતુ તેઓ ચૂંટણી હારી ગયા હતા.

ધીરૂભાઈ ગજેરાએ ભાજપમાં જોડાયા બાદ કહ્યું કે 14 વર્ષનો વનવાસ પૂરો થયો અને હું ભાજપમાં પાછો ફર્યો છું. ગમે તેવો અસંતોષ હોય પાર્ટી છોડતા નહીં. મેં સામેથી ભાજપનો સંપર્ક કર્યો છે. હું મારા ઘરે પાછો ફર્યો છું. પાર્ટી માટે કામ કરીશ. અંતિમ શ્વાસ સુધી ભાજપમાં રહીશ. દૂધમાં સાકર ભળે એ રીતે હું ભળી જવા માંગુ છું. મને રાષ્ટ્રહિતમાં જ્યાં કામ કરવાનું કહેશે ત્યાં હું કામ કરવા તૈયાર છું.

પોલીસ કસ્ટડીમાં રાજ કુન્દ્રાની આ 'હરકત'થી લોકો થયા ગુસ્સે, ઇન્ટરનેટ પર લીધા ક્લાસ
ઉધના ભાજપ કાર્યાલય ખાતે કાર્યક્રમ યોજાયો હતો. મોટી સંખ્યામાં નેતાઓ અને કાર્યકરો જોડાયા. જણાવી દઇએ કે, સુરતમાં પાટીદાર નેતાની છબી ધરાવતા ધીરુભાઈ ગજેરા વર્ષ 1995થી વર્ષ 2007 સુધી ભાજપમાં હતા પરંતુ વર્ષ 2007માં ભાજપ છોડી તેઓ કોંગ્રેસમાં ગયા હતા.