સુરતઃ 13 વર્ષની છોકરીએ બ્રિજ પરથી મારી છલાંગ, રિક્ષાચાલક બન્યો તારણહાર

સુરતઃ થોડા દિવસો પહેલા સુરતના પોલીસ કોન્સ્ટેબલે જે રીતે તાપીમાં ડૂબી રહેલી મહિલાનો જીવ બચાવ્યો હતો તેવી જ રીતે આજે એક રીક્ષા ચાલકે તાપી નદીમાં કૂદેલી 13 વર્ષની છોકરીનો જીવ બચાવ્યો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરોમોટા વરાછા વિસ્તારમાં આવેલા સવજી કોરાટ બ્રિજ પરથી 13 વર્ષિય છોકરી આત્મહત્યા કરવા માટે કૂદી ગઈ હતી. રોડ પરથી પસાર થઈ રહેલા રીક્ષા ચાલક અજીત પાલે આ જોઈને તુરંત જ રીક્ષા રોકી દીધી. છોકરીને બચાવવા માટે તેણે એક સેકન્ડનો પણ વિચાર ન કર્યો અને તાપી નદીમાં કૂદી પડ્યો. આ સમયે મોટી સંખ્યામાં લોકો એકઠા થઈ ગયા હતા તેમણે તુરંત ફાયર બ્રિગેડ અને 108ને જાણ કરી દીધી હતી.રીક્ષા ચાલક કિશોરીને બચાવીને કાંઠે લઈ આવ્યો. થોડીવારમાં 108 આવી અને બેભાન થયેલી કિશોરીને સારવાર માટે તુરંત હોસ્પિટલ ખસેડવામાં આવી હતી. આ બાબતે જ્યારે રીક્ષા ચાલક સાથે વાત કરવામાં આવી તો અજીતે પાલે જણાવ્યું કે, ‘મેં જોયું કે છોકરી તાપી નદીમાં કૂદી ગઈ. મારી પાસે વિચારવાનો વધુ સમય નહોતો મને સ્વીમિંગ આવતું હોવાથી હું પણ તાપી નદીમાં કૂદ્યો અને તેને બચાવીને બહાર લઈ આવ્યો. તેણે કયા કારણો સર આપઘાત કરવાની કોશિશ કરી તે જાણી શકાયું નથી.’