સુરતઃ કોરોના દર્દીના પરિવારને કર્યો હોમ ક્વોરન્ટાઈન, SMCની ટીમ તપાસ માટે પહોંચી તો...

સુરતઃ શહેરમાં આજે નવા 181 કોરોના પોઝિટિવ કેસ નોંધાયા છે અને સુરતમાં કુલ કોરોનાના કેસનો આંકડો 9729 સુધી પહોંચી ગયો છે. આવી સ્થિતિમાં કોરોનાને રોકવા માટે સુરત મ્યુનિસપલ કોર્પોરેશન(SMC)દ્વારા બનતા તમામ પ્રયત્નો કરવામાં આવી રહ્યા છે.

કોર્પોરેશન દ્વારા કોરોના પોઝિટિવ વ્યક્તિનોને સારવાર આપવામાં આવી રહી છે. તેમજ આવા દર્દીના પરિવારને હોમ ક્વોરન્ટાઈન કરવામાં આવી રહ્યા છે. આવી જ રીતે વરાછા ઝોનમાં કોરોના પોઝિટવ વ્યકિતના પરિવારને હોમ ક્વોરન્ટાઈન કરવામાં આવ્યો હતો. કોર્પોરેશન દ્વારા તેમને ઘરમાં રહેવા તેમજ જરૂરી નિયમોનું પાલન કરવા માટે કહેવામાં આવ્યું હતું.

SMCની ટીમ જ્યારે આ પરિવારના ઘરે બીજા દિવસે તપાસ માટે પહોંચી તો ચોંકી ગઈ. આજુબાજુમાં તપાસ કરતા ખબર પડી કે આ પરિવાર પોતાના વતન જતો રહ્યો છે. પાલિકા દ્વારા આ પરિવાર સામે કાયદાકિય પગલા લેતા એપેડેમીક ડિસીઝ એક્ટ હેઠળ પોલીસ ફરિયાદ કરી કડક કાર્યવાહી હાથ ધરી છે.