માલવાહક વાહનો અને ટ્રકો ચાલુ રહેશે
વાહન વ્યવહાર કચેરી દ્વારા જાહેર કરવામાં આવેલી યાદી મુજબ કોરોનાના વધી રહેલા કેસને ધ્યાનમાં રાખતા સુરતમાં આવતી તથા સુરતથી ઉપડતી તમામ એસટી બસો અને ખાનગી સેવાઓનું સંચાલન વધુ એક સપ્તાહ માટે સ્થગિત કરવાનો નિર્ણય લેવાયો છે. અગાઉ 27 જૂલાઈથી 5 ઓગસ્ટ સુધી એસટી બસોનું સંચાલન બંધ કરવામાં આવ્યું હતું. હવે તેને વધુ સાત દિવસ માટે એટલે કે 12 ઓગસ્ટ સુધી કરવામાં આવ્યું છે. જોકે, આ દરમિયાન અન્ય ખાનગી વાહનો, ગુડ્ઝ પરિવહન વાહન ટ્રક સહિત ચાલુ રહેશે.
સુરત સિવાય રાજ્યમાં બસ સેવા યથાવત રહેશે
સુરતને બાદ કરતા રાજ્યમાં એસટી અને ખાનગી બસ સેવાનું સંચાલન રાબેતા મુજબ ચાલુ રહેશે. જોકે, તેમાં કોરોના વાયરસ માટે જાહેર કરવામાં આવેલી ગાઈડલાઈન્સનું પાલન કરવાનું રહપેશે. એસટી બસ તથા ખાનગી બસોમાં સોશિયલ ડિસ્ટન્સિંગ અને સેનેટાઈઝ જેવા નિયમોનું પાલન કરવાનું રહેશે.
સુરતમાં વધી રહ્યા છે કોરોના વાયરસના કેસ
ગુજરાતમાં દરરોજ સૌથી વધુ કોરોનાના કેસ સુરતમાં નોંધાઈ રહ્યા છે. છેલ્લા 24 કલાકમાં સુરત તથા સુરત જિલ્લામાં કુલ મળીને 237 નવા કેસ નોંધાયા છે. સુરતમાં અત્યાર સુધી કોરોના વાયરસના કુલ 14,308 કેસ નોંધાયા છે. જોકે, છેલ્લા ત્રણ દિવસથી સુરત શહેરમાં કોરોનના કેસની સંખ્યા 200થી નીચેની રહી છે. છેલ્લા 24 કલાકમાં સુરત શહેરમાં કોરોનાના 187 નવા કેસ સામે આવ્યા છે અને છ લોકોના મૃત્યુ થયા છે.