ગુજરાતમાં ચૂંટણીનો માહોલ જામ્યો છે ત્યારે સુરતમાં ફ્લાઈંગ સ્ક્વોડે મહારાષ્ટ્રની કારને રોકીને તપાસ કરતા તેમાંથી 74.80 લાખ રૂપિયાની માતબર કેશ મળી આવી હતી. આ કેસ સાથે હવે કોંગ્રેસનું કનેક્શન જોડાઈ રહ્યું છે. અગાઉ કારમાં તપાસ કરતા તેમાંથી રોકડની સાથે કોંગ્રેસનું ચૂંટણી પ્રચારનું સાહિત્ય પણ મળી આવ્યું હતું. હવે એક CCTV વિડીયો સામે આવ્યો છે તેમાં દક્ષિણ ગુજરાતના કોંગ્રેસના ઈન્ચાર્જ બીએમ સંદીપ ફ્લાઈંગ સ્ક્વોડથી બચીને ભાગતા દેખાઈ રહ્યા છે. જોકે, આ અંગે કોંગ્રેસે ભાજપના કાવતરાની વાત કરી હતી પરંતુ હવે જે બાબતો સામે આવી રહી છે તે બાદ કોંગ્રેસે તપાસ થયા વગર કશું કહેવાનો ઈનકાર કર્યો છે. આ કેસમાં બે લોકોની ધરપકડ કરવામાં આવી છે અને તેમની તપાસ કરવામાં આવી રહી છે.
જે ઉદય ગુર્જર નામના શખ્સની ગઈકાલે ધરપકડ કરવામાં આવી હતી તેની તસવીરો રાજસ્થાનના મુખ્યમંત્રી સાથે જોવા મળી રહી છે. આ સિવાય ઉદય રાહુલ ગાંધીની સભામાં પણ ઉપસ્થિતિ રહ્યો હોવાની વાત સામે આવી રહી છે. જે રૂપિયા આંગડિયા પેઢીમાંથી લઈને ત્રણ શખ્સ જઈ રહ્યા હતા તેમાં ઉદય ગુર્જરનો પણ સમાવેશ થાય છે. આ રૂપિયા ક્યાંથી લાવવામાં આવ્યા હતા અને ક્યાં લઈ જવામાં આવી રહ્યા હતા તે અંગે હજુ તપાસ કરવામાં આવી રહી છે. ઉદય ગુર્જર રાજસ્થાનનો રહેવાસી છે માટે આ રૂપિયા રાજસ્થાનથી આવ્યા હતા કે શું તે દિશામાં તપાસ કરવામાં આવી રહી છે.
અશોક ગેહલોત સાથે દેખાયેલા શખ્સે તેમની સાથે એરપોર્ટ અને સભા સ્થળ પર ફોટો પડાવ્યા હોવાનું પણ કહેવામાં આવી રહ્યું છે. મુખ્યમંત્રી સુરક્ષા ઘેરામાં હોવા છતાં આ શખ્સ તેમના સુધી કઈ રીતે પહોંચ્યો તે અંગે પણ તપાસ કરવામાં આવશે. આ સિવાસ ઉદય રાજસ્થાન યુથ કોંગ્રેસ સાથે જોડાયેલો હોવાનું પણ બહાર આવી રહ્યું છે.
બીજી તરફ આ મુદ્દે ભાજપ દ્વારા કોંગ્રેસ કઈ રીતે ચૂંટણી જીતવા માગે છે તેવા સવાલ કરીને આ મામલે કાર્યવાહી થવી જોઈએ તેવી માંગ કરવામાં આવી રહી છે.
જે ઉદય ગુર્જર નામના શખ્સની ગઈકાલે ધરપકડ કરવામાં આવી હતી તેની તસવીરો રાજસ્થાનના મુખ્યમંત્રી સાથે જોવા મળી રહી છે. આ સિવાય ઉદય રાહુલ ગાંધીની સભામાં પણ ઉપસ્થિતિ રહ્યો હોવાની વાત સામે આવી રહી છે. જે રૂપિયા આંગડિયા પેઢીમાંથી લઈને ત્રણ શખ્સ જઈ રહ્યા હતા તેમાં ઉદય ગુર્જરનો પણ સમાવેશ થાય છે. આ રૂપિયા ક્યાંથી લાવવામાં આવ્યા હતા અને ક્યાં લઈ જવામાં આવી રહ્યા હતા તે અંગે હજુ તપાસ કરવામાં આવી રહી છે. ઉદય ગુર્જર રાજસ્થાનનો રહેવાસી છે માટે આ રૂપિયા રાજસ્થાનથી આવ્યા હતા કે શું તે દિશામાં તપાસ કરવામાં આવી રહી છે.
અશોક ગેહલોત સાથે દેખાયેલા શખ્સે તેમની સાથે એરપોર્ટ અને સભા સ્થળ પર ફોટો પડાવ્યા હોવાનું પણ કહેવામાં આવી રહ્યું છે. મુખ્યમંત્રી સુરક્ષા ઘેરામાં હોવા છતાં આ શખ્સ તેમના સુધી કઈ રીતે પહોંચ્યો તે અંગે પણ તપાસ કરવામાં આવશે. આ સિવાસ ઉદય રાજસ્થાન યુથ કોંગ્રેસ સાથે જોડાયેલો હોવાનું પણ બહાર આવી રહ્યું છે.
બીજી તરફ આ મુદ્દે ભાજપ દ્વારા કોંગ્રેસ કઈ રીતે ચૂંટણી જીતવા માગે છે તેવા સવાલ કરીને આ મામલે કાર્યવાહી થવી જોઈએ તેવી માંગ કરવામાં આવી રહી છે.