સુરતઃ યુવાનોની સરખામણીએ બાળકો ઝડપથી કોરોનાને હરાવી રહ્યા છે, 92% રિકવરી રેટ

સુરતઃ કોવિડ-19ના યુવા દર્દીઓની સરખામણીમાં 12 વર્ષની નીચેની ઉંમરના બાળકો ઝડપથી સાજા થઈ રહ્યા છે. સુરત શહેરમાં તેમનો રિકવરી રેટ 92 ટકા સુધીનો છે. નવા સિવિલ કેમ્પસમાં બનાવેલી કોવિડ-19 હોસ્પિટલ કોરોનાના વયસ્ક દર્દીઓથી ઊભરાઈ રહી છે, ત્યારે પેડિયાટ્રિક વોર્ડમાંથી એક સારી ખબર આવી રહી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:અહીં એડમિટ કુલ 40 કોરોના પોઝિટિવ બાળકોમાંથી ત્રણ મહિનાની બાળકી સહિત 35 બાળકોએ છેલ્લા એક મહિનામાં કોરોના વાયરસને હરાવ્યો છે. હોસ્પિટલના સત્તાધિકારીઓએ જણાવ્યું કે, પાંચ કોરોના પોઝિટિવ બાળકોની સ્થિતિ પણ સ્થિર છે અને તેમને પણ ટૂંક સમયમાં ડિસ્ચાર્જ કરવામાં આવશે. 40 બાળકોમાંથી 17 છોકરીઓ હતી જ્યારે 23 છોકરા હતા.કોવિડ-19 પેડિયાટ્રિક વોર્ડના નોડલ અધિકારી ડો. પન્ના બલસરાએ કહ્યું, મોટાભાગના બાળકોમાં લક્ષણો નહોતા પરંતુ કોમ્યુનિટી સેમ્પલિંગમાં તેઓ પોઝિટિવ આવ્યા હતા. બાળકોની જીતનો જુસ્સો, હેલ્થ સ્ટાફના પ્રયાસ અને ડોક્ટર્સે પણ તેમની રિકવરીમાં મહત્વપૂર્ણ ભૂમિકા ભજવી છે. તેમણે કહ્યું, બાળકોને એન્ટિબાયોટિક્સ, સ્વસ્થ અને પોષણયુક્ત આહાર આપવામાં આવતું. પોઝિટિવ વાતાવરણના તેઓ કોરોનાને સામે લડવામાં મદદ મળી.ડો. બલસરાએ કહ્યું, બાળકોના મનમાંથી કોરોનાનો ડર કાઢવા માટે અમારા નર્સિંગ સ્ટાફ અને ડોક્ટર્સ તેમના સાથે રમતા હતા. ઘણા નાના બાળકોની માતા પણ વોર્ડમાં તેમની સાથે રહેતી હતી. ચાર અને પાંચ વર્ષના બે પિતરાઈ ભાઈઓએ કોરોનાને સાત દિવસમાં જ હરાવી દીધો અને 27મી એપ્રિલે તેઓ ડિસ્ચાર્જ થયા.પેડિયાટ્રિક વોર્ડના હેડ ડો. વિજય શાહે કહ્યું, કોવિડ-19 સાથે બાળકોને એક જ વોર્ડમાં દિવસો સુધી રાખવા મુશ્કેલ છે. અમારે તેમને પર્સનલી અટેન્ડ કરવા પડતા. અમારી ટીમની નર્સ અને ડોક્ટરોએ તેમની ખૂબ દેખરેખ કરી અને પરિણામે તેઓ જલ્દી સ્વસ્થ થઈ ગયા.