સુરતથી ચેન્નઈ ટ્રાન્સફર કરવામાં આવ્યા હતા
ડૉ.સંકેતને આવકારવા માટે તેમનો સમગ્ર પરિવાર એકઠો થયો હતો.જ્યારે વ્હાલસોયી દીકરીએ 100 દિવસ બાદ પિતાને જોતાં તેનો પ્રેમ છલકાઈ ગયો હતો. 28 જુલાઈના રોજ પહેલીવાર કોરોના પોઝિટિવ આવ્યા બાદ સુરતના BAPS હોસ્પિટલમાં દાખલ ડો. મહેતાની તબિયત વધુ ખરાબ થતા તેમને ચેન્નઇની MGM હોસ્પિટલ બાય એર એમ્બ્યુલન્સથી લઈ જવામાં આવ્યા હતા જ્યાં તેમના ફેફસાંનું ટ્રાન્સફર કરવામાં આવ્યું.
તેઓ સાઇન લેંગવેજમાં વાત કરે છે
ડો. મહેતાના પત્ની પિનલે અમારા સહયોગી ટાઇમ્સ ઓફ ઇન્ડિયા સાથે વાત કરતા કહ્યું કે, 'તેમની સ્થિતિ હાલ નોર્મલ છે પરંતુ તેઓને બોલવામાં હજુ તકલીફ પડે છે જેના કારણે તેઓ સાઇન લેંગવેજમાં વાત કરે છે. પરંતુ તેઓ નોર્મલ રીતે શ્વાસોશ્વાસ લેવામાં સક્ષમ છે. તેમણે પોતાની સાઇન લેંગવેજથી જણાવ્યું કે વૃદ્ધ દર્દીને ઓક્સિજન સપ્લાયની મદદ કરીને તેઓ ખૂબ જ ખુશ છે.'
અનેક લોકોએ આર્થિક મદદ કરી
સુરત એનેસ્થેટિક્સ એસોસિએશનના પ્રમુખ ડો. જયેશ ઠકરાલે કહ્યું કે, 'ડો. મહેતા પૂર્ણ રિકવર થઈ જતા અમે ઘણા ખૂશ છીએ. તેઓને સુરતમાં યોગ્ય સારવાર મળી રહે તે માટે અમે તમામ બાબતોની ચોક્કસાઈ કરીશું.' ઉલ્લેખનીય છે કે ફેફસાં ટ્રાન્સફર કરવાની પ્રક્રિયા ખૂબ જ મોંઘી હોય છે અને આ માટે 1 કરોડ રૂપિયા જેટલો ખર્ચ થતો હોય છે. ત્યારે મુશ્કેલીના આ કપરા સમયમાં તબીબી જગત તેમની તથા પરિવારજનોની પડખે ઊભું રહ્યું છે. સોશિયલ મીડિયા પર આર્થિક મદદ માંગતા મોટા પ્રમાણમાં દાનવીરો આગળ આવી આ કોરોના વોરિયર્સની સારવારમાં મદદરૂપ થયા હતા.