સુરતમાં સાંબેલાધાર વરસાદ, સિવિલ હોસ્પિટલમાં ભરાયા પાણી

સુરત શહેરમાં પણ ગાજવીજ સાથે વરસાદ શરૂ થયો છે. સુરતના વરાછામાં પોણા બે ઈંચ, લીંબાયતમાં એક ઈંચ વરસાદ પડ્યો છે. આ સિવાય રાંદેર, કતારગામ, ઉધના, અઠવામાં વરસાદ પડ્યો છે. વરસાદના કારણે બફારામાંથી લોકોને રાહત મળી છે.હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરોહાલ મળી રહેલા અહેવાલ મુજબ સુરત સિવિલ હોસ્પિટલમાં પ્રથમ વરસાદે જ પાણી ભરાયા બાદ પણ કોઈ કામગીરી ન કરવામાં આવતાં આજે સામાન્ય વરસાદમાં પણ ફરી પાણી ભરાઈ ગયા હતાં. જેથી દર્દીઓ અને તેની સાથે આવતા સંબંધીઓને પારાવાર મુશ્કેલીનો સામનો કરવો પડ્યો હતો. ટ્રોમા સેન્ટરની સામે પણ પાણી ભરાતા ઈમર્જન્સી સારવાર માટે આવતાં દર્દીઓની હાલાકી વધી ગઈ હતી.દક્ષિણ ગુજરાતમાં મેઘસવારી અવિરત રહી છે. રાત્રિના સમયે દક્ષિણ ગુજરાતમાં કડાકા ભડાકા સાથે વરસાદ ખાબક્યો હતો. તાપી જિલ્લાને બાદ કરતાં દક્ષિણ ગુજરાતના તમામ તાલુકાઓમાં વરસાદ નોંધાયો હતો. વાપીમાં બે ઈંચ વરસાદ વરસ્યો હતો. સુરત શહેરના વરાછા ઝોન વિસ્તારમાં વિજળીના ચમકારા સાથે રાત્રે બાર વાગ્યા બાદ બે ઈંચ વરસાદ પડ્યો હતો. વરસાદના કારણે વરાછામાં ઈલેક્ટ્રીક સિટી જતી રહેતા પરેશાની થઈ હતી.હવામાન વિભાગે આ આગાહી બંગાળની ખાડીમાં લો પ્રેશરના આધારે કરી છે. તમને જણાવી દઇએ કે, બંગાળની ખાડીમાં લો પ્રેશર સર્જાયું છે. જેના કારણે વરસાદી સિસ્ટમ સક્રિય બની છે. બંગાળના લો પ્રેશરના કારણે 3 જુલાઈએ વરસાદની શક્યતા સેવવામાં આવી છે. રાજ્યના 25 જિલ્લાઓના 97 તાલુકામાં મેઘમહેર યથાવત રહી છે.