સુરતઃ ઘણાં એવા લોકો છે કે જે પોતાના પરસેવાની કમાણી પર જ વિશ્વાસ રાખે છે, પોતાની આર્થિક સ્થિતિ નબળી હોય તેમ છતાં બીજાની ધન-દોલત પર જરાય નજર બગાડતા નથી. આવી જ એક ઈમાનદારીની ઘટના સુરત શહેરમાં બની હતી કે જેમાં એક સફાઈ કામદારે હીરા મળ્યા છતાં તેને પોતાના નામે કરવાના બદલે તેને પરત આપ્યા હતા. ઈમાનદારીનું કામ કરનારા સફાઈ કામદારનું સુરત ડાયમન્ડ એસોસિએશન દ્વારા સન્માન પણ કરવામાં આવ્યું હતું. આ સફાઈ કામદારીની ઈમાનદારી પર શહેરમાં વાહવાહી થઈ રહી છે.
તપાસ કરતા માલુમ પડ્યું કે જે હીરાના બે પેકેટ મળ્યા હતા તે હરેશભાઈના હતા અને તે પેઢીને આપવાના હતા અને પડી ગયા હતા. આ હીરાની ખરાઈ કર્યા બાદ માલુમ પડ્યું કે તે હીરાની કિંમત રૂપિયા એક લાખ જેટલી થતી હતી. સુરતના ડાયમન્ડ એસોસિએશને વિનોદભાઈની ઈમાનદારી જોઈને તેમનું બહુમાન કરવાનો નિર્ણય કર્યો હતો. આ પછી એસોસિએશન દ્વારા સફાઈ કામદાર વિનોદભાઈનું સન્માન કરવામાં આવ્યું હતું.
આ અંગે સુરત ડાયમન્ડ એસોસિએશનના મંત્રીએ જણાવ્યું કે, "હરેશભાઈના હીરા પડી ગયા હતા અને તે સફાઈ કામદાર વિનોદભાઈ સોલંકીએ તેમને પરત આપ્યા હતા. આ મોટી વાત એટલા માટે છે કે સફાઈ કામદારને આ જોખમ મળવું અને મૂળ માલિકને પરત કરવું તે પ્રામાણિકતાનો મોટો દાખલો છે. નાના માણસે જે પ્રામાણિકતા બતાવી છે તે બદલ અમે વિનોદભાઈનો આભાર માનીએ છીએ."
સફાઈ કામદાર વિનોદભાઈએ ઘટના અંગે વાત કરીને જણાવ્યું કે, "હું સફાઈ કામ કરતો હતો ત્યારે હીરાના બે પેકેટ મળ્યા હતા, જે મે મારા શેઠ હરેશભાઈને સોંપ્યા હતા." પોતે બતાવેલી ઈમાનદારી પર વિનોદભાઈએ જરાય ગર્વ લીધા વગર કહ્યું કે મને જે મળ્યું હતું તે મેં પરત કર્યું, મારે બીજુ કશું જોઈએ નહીં.
તપાસ કરતા માલુમ પડ્યું કે જે હીરાના બે પેકેટ મળ્યા હતા તે હરેશભાઈના હતા અને તે પેઢીને આપવાના હતા અને પડી ગયા હતા. આ હીરાની ખરાઈ કર્યા બાદ માલુમ પડ્યું કે તે હીરાની કિંમત રૂપિયા એક લાખ જેટલી થતી હતી. સુરતના ડાયમન્ડ એસોસિએશને વિનોદભાઈની ઈમાનદારી જોઈને તેમનું બહુમાન કરવાનો નિર્ણય કર્યો હતો. આ પછી એસોસિએશન દ્વારા સફાઈ કામદાર વિનોદભાઈનું સન્માન કરવામાં આવ્યું હતું.
આ અંગે સુરત ડાયમન્ડ એસોસિએશનના મંત્રીએ જણાવ્યું કે, "હરેશભાઈના હીરા પડી ગયા હતા અને તે સફાઈ કામદાર વિનોદભાઈ સોલંકીએ તેમને પરત આપ્યા હતા. આ મોટી વાત એટલા માટે છે કે સફાઈ કામદારને આ જોખમ મળવું અને મૂળ માલિકને પરત કરવું તે પ્રામાણિકતાનો મોટો દાખલો છે. નાના માણસે જે પ્રામાણિકતા બતાવી છે તે બદલ અમે વિનોદભાઈનો આભાર માનીએ છીએ."
સફાઈ કામદાર વિનોદભાઈએ ઘટના અંગે વાત કરીને જણાવ્યું કે, "હું સફાઈ કામ કરતો હતો ત્યારે હીરાના બે પેકેટ મળ્યા હતા, જે મે મારા શેઠ હરેશભાઈને સોંપ્યા હતા." પોતે બતાવેલી ઈમાનદારી પર વિનોદભાઈએ જરાય ગર્વ લીધા વગર કહ્યું કે મને જે મળ્યું હતું તે મેં પરત કર્યું, મારે બીજુ કશું જોઈએ નહીં.