એપશહેર

સુરતઃ ₹5000નો ટ્રાફિક મેમો રદ્દ કરી ટેમ્પો ચાલકને રૂપિયા પરત કરાયા, જાણો શા માટે

Hitesh Mori | I am Gujarat 16 Sep 2019, 6:44 pm
સુરતઃ ટ્રાફિકના નવા નિયમો સોમવારથી સમગ્ર ગુજરાતમાં લાગુ થયા. પહેલા દિવસે સોશિયલ મીડિયામાં સુરત પોલીસ દ્વારા આપવામાં આવેલો 5000 રૂપિયાનો મેમો વાઈરલ થયો છે. પોલીસે ભૂલથી આપેલો આ મેમોને સુરત પોલીસે રદ્દ કરી ટેમ્પો ચાલકને રૂપિયા પરત કર્યા છે. મેમો રદ્દ કરવાનું પાછળનું કારણ એવું છે કે ફિટનેસ સર્ટીફિકેટ મુદ્દે ટ્રાફિક પોલીસ દંડ વસૂલી શકતી નથી. આ દંડ વસૂલવાની જવાબદારી આરટીઓની છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો નવા નિયમો લાગુ થયા બાદ આજે સવારે સાડા અગિયાર વાગ્યાની આસપાસ સુરત પોલીસે સહારા દરવાજા પાસે એક આઈસર ટેમ્પો ચાલકને અટકાવ્યો હતો. તેની પાસે જરૂરી દસ્તાવોની ચકાસણી કરવામાં આવી. આ દરમિયાન તેની પાસે ફિટનેસ સર્ટીફિકેટ ન હોવાથી પોલીસે 5000 રૂપિયાનો મેમો ફટકારી દંડ વસૂલ્યો હતો. આ મેમો સોશિયલ મીડિયામાં વાઈરલ થયા બાદ ઉચ્ચઅધિકારીઓનું ધ્યાન જતા તેમને ટ્રાફિક પોલીસની ભૂલ સુધારતા ટેમ્પો ચાલકને દંડ પરત કરવા માટે બોલાવ્યો હતો. સૂત્રો પાસેથી મળી રહેલી માહિતી મુજબ પોલીસે ટેમ્પો ચાલકને બોલાવ્યો તો પહેલા તો તે આવવા તૈયાર નહોતો. જોકે તેને જાણ સમજાવતા તે પોલીસ કમિશનર કચેરી આવ્યો અને દંડના પૈસા પરત કરવામાં આવ્યા. ટેમ્પોનું ફિટનેસ સર્ટી ન હોવાથી પોલીસે આરટીઓ મેમો અથવા કોર્ટ મેમો આપવાનું નક્કી કર્યું છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો