હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોસુરતના અઠવાલાઈન્સ વિસ્તારનો એક વિડીયો હાલ સોશિયલ મીડિયામાં વાયરલ થોય છે. જેમાં રસ્તા પર થૂંકતા ઝડપાયેલા યુવકને કોર્પોરેશનના અધિકારીઓએ જાહેરમાં ઉઠબેસ કરાવી હતી. આ યુવક લાલ બંગલો પાસેથી બાઈક લઈ પસાર થઈ રહ્યો હતો ત્યારે થૂંક્યો હતો. કોર્પોરેશનની ટીમે તેને પકડીને દંડ ભરવા કહ્યું હતું. જોકે, પોતાની પાસે દંડ ભરવાના પૈસા ન હોવાનું આ યુવકે જણાવ્યું હતું.જોકે, કોર્પોરેશનના અધિકારીઓ ગુનો કરનારા યુવકને છોડી દેવાના મૂડમાં નહોતા. તેની પાસે જાહેરમાં કાન પકડીને ઉઠબેસ કરાવાઈ હતી, અને તેનો વિડીયો ઉતારી લેવામાં આવ્યો હતો. સુરતમાં હવે રસ્તા પર થૂંકતા લોકોને સીસીટીવીના આધારે પણ દંડ કરવામાં આવી રહ્યો છે. કોર્પોરેશને પોતાની ટીમોને પણ ઠેરઠેર તૈનાત કરી છે, જે જાહેરમાં ગંદકી કરનારાને પકડીને દંડ વસૂલી રહી છે. જે લોકો દંડ ન ભરે તેમના ટેક્સ બિલમાં તે રકમ ઉમેરી દેવાનું પણ નક્કી કરાયું છે.
યજ્ઞેશ મહેતા, સુરત: રસ્તા પર ગમે ત્યાં થૂંકનારા હવે સોરી કહીને બચી નહીં શકે. અમદાવાદ બાદ હવે સુરત મ્યુનિસિપલ કોર્પોરેશને પણ પાન-મસાલાની પિચકારી મારતા લોકોને સીધા કરવાનું મિશન શરુ કર્યું છે. આવા લોકો પાસેથી દંડ તો વસૂલાઈ જ રહ્યો છે, પરંતુ જે લોકો પાસે દંડ ભરવાના પૈસા ન હોય તેમને રસ્તા પર જ ઉઠબેસની સજા કરાઈ રહી છે.