વડોદરા: 'મેરુ રે ડગે પણ જેનાં મન ના ડગે...' આ ભજન તમે ચોક્કસથી સાંભળ્યું હશે. જેનો સરળ ભાષામાં અર્થ એ થાય છે કે મેરુ પર્વતને સમજાવો તો એકવાર માટે તે પણ પોતાનું સ્થાન છોડીને ખસી જાય પરંતુ જિદ્દી મનુષ્ય એકવાર મનમાં કંઈ કરવાનો નિર્ધાર કરી લે તો તેને પાર પાડ્યે જ છૂટકો. આવું જ કંઈક વડોદરાના ગંગોત્રી સોનેજીએ કર્યું છે. ચાર વર્ષ પહેલા ગંગોત્રી સોનેજી (Gangotri Soneji)ને ઓસ્ટિયો આર્થરાઈટિસ હોવાનું નિદાન થયું હતું અને ડૉક્ટરોએ તેમને જીવનમાં કદી ટ્રેકિંગ ના કરવાની સલાહ આપી હતી. જોકે, વડોદરાના ગંગોત્રી સોનેજીએ ડૉક્ટરોની સલાહને અવગણીને ટ્રેકિંગ કર્યું ને એટલું જ નહીં તેમણે હિમાલય પણ સર કર્યો અને એ પણ 63ની ઉંમરે. હિમાલય ચડનારા પર્વતારોહકોની ગુજરાતની 11 સભ્યોની ટીમમાંથી ગંગોત્રીબેન એકમાત્ર મહિલા હતા. તેમણે અમારા સહયોગી અખબાર ટાઈમ્સ ઓફ ઈન્ડિયાને જણાવ્યું, "હું ખૂબ આનંદિત છું."
અવિસ્મરણીય અનુભવ રહ્યો: ગંગોત્રીબેન
"હિમાલયના પર્વતોમાંથી પસાર થવું, કેટલાક જોખમી રસ્તાઓ પર કૂચ કરવી અને પહાડોની ઊંચાઈ પરથી દુનિયાને જોવાનો અવિસ્મરણીય અનુભવ રહ્યો. ડૉક્ટરોની સલાહ ના માનીને મેં સાહસિક યાત્રા ખેડી અને મારી જાતને પડકાર આપ્યો તે વિશેષ રહ્યું. પડકાર તરીકે શરૂ થયેલો પ્રવાસ જલ્દી જ રોમાંચક યાત્રામાં ફેરવાઈ ગયો હતો", તેમ ગંગોત્રીબેને જણાવ્યું.
બચેન્દ્રી પાલના માર્ગદર્શન હેઠળ આગળ વધ્યા
માઉન્ટ એવરેસ્ટનું શિખર ચઢનારા પહેલા ભારતીય મહિલા પર્વતારોહક પદ્મ ભૂષણ બચેન્દ્રી પાલના માર્ગદર્શન હેઠળ તેમણે ટ્રાન્સ હિમાલયનો પ્રવાસ ખેડ્યો હતો. ગંગોત્રીબેને આગળ કહ્યું, "કેટલાક જોખમી ચઢાણ અને ખરાબ વાતાવરણ હતું પરંતુ મેં મારા શરીરના દુઃખાવાને મારા લક્ષ્ય સુધી પહોંચવામાં અડચણરૂપ ના બનવા દીધા. મેં અને બચેન્દ્રીએ ભૂતકાળમાં સાથે ટ્રેકિંગ કરેલું છે એટલે અમે એકબીજાને સારી રીતે ઓળખીએ છીએ."
રાજકોટના વેપારીના દીકરાનું ફિલ્મી ઢબે અપહરણ, 15 કરોડ રુપિયાની ખંડણી માંગવામાં આવી
140 દિવસમાં પૂરો કર્યો પ્રવાસ
તેઓ દરરોજ 20 કિલોમીટર ચાલતા હતા. અરુણાચલ પ્રદેશ, અસમ, સિક્કીમની પર્વતમાળાઓમાં થઈને કારગીલમાં પ્રવાસ પૂરો કર્યો હતો. "અમે 140 દિવસમાં ચાલીને 2,170 કિલોમીટરનો પ્રવાસ પગપાળા ખેડ્યો હતો અને ટ્રેકિંગ દરમિયાન બેવાર 18,000 ફીટની ઊંચાઈએ પહોંચ્યા હતા. જંગલો કાપી નાખવાને લીધે તેમજ કોંક્રિટના બાંધકામ અને ઓછા વરસાદને લીધે કેટલાક પર્વતોની વચ્ચેથી પસાર થતી વખતે 6000થી 8000 ફીટ પર કોઈ જળસ્ત્રોત જ નહોતો", તેમ ગંગોત્રીબેને ઉમેર્યું.
જણાવ્યો ભયભીત કરનારો અનુભવ
તેમની સૌથી યાદગાર પળોને વાગોળતાં ગંગોત્રીબેને કહ્યું, "બંને બાજુ હરિયાળી અને વચ્ચે પર્વતોમાંથી પસાર થતી વખતે જે નજારો દેખાતો હતો તે અવિસ્મરણીય હતો. જોકે, ઉત્સાહની વચ્ચે કેટલીક ટેન્શન આપનારી ક્ષણ પણ હતી જ્યારે અમારી ટીમના સભ્યોમાંથી એક લમખાગા પાસ પાસે ફસડાઈ પડ્યા હતા અને ઈજા પહોંચી હતી." પ્રવાસ પૂરો કર્યા પછી ગંગોત્રીબેન અને પર્વતારોહકોની ટીમે રાષ્ટ્રપતિ દ્રોપદી મુર્મૂ અને કેંદ્રીય રમતગમત મંત્રી અનુરાગ ઠાકુર સાથે મુલાકાત કરી હતી.
18 વર્ષની ઉંમરે પર્વતારોહણ શરૂ કર્યું
શૈક્ષણિક કાળ દરમિયાન નેશનલ લેવલના તરવૈયા રહી ચૂકેલા ગંગોત્રીબેન સોનેજીએ 18 વર્ષની ઉંમરે રૉક ક્લાઈમ્બિંગ શરૂ કર્યું અને તેના પ્રેમમાં પડી ગયા. તેઓ કેટલીયવાર ટ્રેકિંગ પર ગયા છે અને હિમાલયની 15 જેટલી સફર પણ ખેડી છે. જોકે, લગ્ન બાદ તેઓ યુએસ શિફ્ટ થઈ જતાં આમાંથી બ્રેક લીધો હતો. 1990ના દશકામાં તેઓ પાછા વડોદરા આવ્યા અને પોતાના પેશનને ફરી શરૂ કર્યું.
અવિસ્મરણીય અનુભવ રહ્યો: ગંગોત્રીબેન
"હિમાલયના પર્વતોમાંથી પસાર થવું, કેટલાક જોખમી રસ્તાઓ પર કૂચ કરવી અને પહાડોની ઊંચાઈ પરથી દુનિયાને જોવાનો અવિસ્મરણીય અનુભવ રહ્યો. ડૉક્ટરોની સલાહ ના માનીને મેં સાહસિક યાત્રા ખેડી અને મારી જાતને પડકાર આપ્યો તે વિશેષ રહ્યું. પડકાર તરીકે શરૂ થયેલો પ્રવાસ જલ્દી જ રોમાંચક યાત્રામાં ફેરવાઈ ગયો હતો", તેમ ગંગોત્રીબેને જણાવ્યું.
બચેન્દ્રી પાલના માર્ગદર્શન હેઠળ આગળ વધ્યા
માઉન્ટ એવરેસ્ટનું શિખર ચઢનારા પહેલા ભારતીય મહિલા પર્વતારોહક પદ્મ ભૂષણ બચેન્દ્રી પાલના માર્ગદર્શન હેઠળ તેમણે ટ્રાન્સ હિમાલયનો પ્રવાસ ખેડ્યો હતો. ગંગોત્રીબેને આગળ કહ્યું, "કેટલાક જોખમી ચઢાણ અને ખરાબ વાતાવરણ હતું પરંતુ મેં મારા શરીરના દુઃખાવાને મારા લક્ષ્ય સુધી પહોંચવામાં અડચણરૂપ ના બનવા દીધા. મેં અને બચેન્દ્રીએ ભૂતકાળમાં સાથે ટ્રેકિંગ કરેલું છે એટલે અમે એકબીજાને સારી રીતે ઓળખીએ છીએ."
રાજકોટના વેપારીના દીકરાનું ફિલ્મી ઢબે અપહરણ, 15 કરોડ રુપિયાની ખંડણી માંગવામાં આવી
140 દિવસમાં પૂરો કર્યો પ્રવાસ
તેઓ દરરોજ 20 કિલોમીટર ચાલતા હતા. અરુણાચલ પ્રદેશ, અસમ, સિક્કીમની પર્વતમાળાઓમાં થઈને કારગીલમાં પ્રવાસ પૂરો કર્યો હતો. "અમે 140 દિવસમાં ચાલીને 2,170 કિલોમીટરનો પ્રવાસ પગપાળા ખેડ્યો હતો અને ટ્રેકિંગ દરમિયાન બેવાર 18,000 ફીટની ઊંચાઈએ પહોંચ્યા હતા. જંગલો કાપી નાખવાને લીધે તેમજ કોંક્રિટના બાંધકામ અને ઓછા વરસાદને લીધે કેટલાક પર્વતોની વચ્ચેથી પસાર થતી વખતે 6000થી 8000 ફીટ પર કોઈ જળસ્ત્રોત જ નહોતો", તેમ ગંગોત્રીબેને ઉમેર્યું.
જણાવ્યો ભયભીત કરનારો અનુભવ
તેમની સૌથી યાદગાર પળોને વાગોળતાં ગંગોત્રીબેને કહ્યું, "બંને બાજુ હરિયાળી અને વચ્ચે પર્વતોમાંથી પસાર થતી વખતે જે નજારો દેખાતો હતો તે અવિસ્મરણીય હતો. જોકે, ઉત્સાહની વચ્ચે કેટલીક ટેન્શન આપનારી ક્ષણ પણ હતી જ્યારે અમારી ટીમના સભ્યોમાંથી એક લમખાગા પાસ પાસે ફસડાઈ પડ્યા હતા અને ઈજા પહોંચી હતી." પ્રવાસ પૂરો કર્યા પછી ગંગોત્રીબેન અને પર્વતારોહકોની ટીમે રાષ્ટ્રપતિ દ્રોપદી મુર્મૂ અને કેંદ્રીય રમતગમત મંત્રી અનુરાગ ઠાકુર સાથે મુલાકાત કરી હતી.
18 વર્ષની ઉંમરે પર્વતારોહણ શરૂ કર્યું
શૈક્ષણિક કાળ દરમિયાન નેશનલ લેવલના તરવૈયા રહી ચૂકેલા ગંગોત્રીબેન સોનેજીએ 18 વર્ષની ઉંમરે રૉક ક્લાઈમ્બિંગ શરૂ કર્યું અને તેના પ્રેમમાં પડી ગયા. તેઓ કેટલીયવાર ટ્રેકિંગ પર ગયા છે અને હિમાલયની 15 જેટલી સફર પણ ખેડી છે. જોકે, લગ્ન બાદ તેઓ યુએસ શિફ્ટ થઈ જતાં આમાંથી બ્રેક લીધો હતો. 1990ના દશકામાં તેઓ પાછા વડોદરા આવ્યા અને પોતાના પેશનને ફરી શરૂ કર્યું.