વડોદરાઃ સુરેન્દ્રસિંહ ચાવડા જેઓ કરજણમાં ટ્યુશન ક્લાસ ચલાવે છે, તેમને ત્યારે આઘાત લાગ્યો જ્યારે બેંક ઓફ બરોડાએ તેમને ₹1.45 કરોડની લોન મામલે પત્ર મોકલ્યો અને જવાબ માગ્યો. સુરેન્દ્રસિંહે કોઈ લોન પેપર કે ગેરન્ટર તરીકે સહી નહોતી કરી તેમ છતાં તેમને આ નોટિસમાં ગેરન્ટર તરીકે દર્શાવાયા હતા.
2014માં અખબારમાં જાહેરાત વાંચી હતી
સુરેન્દ્રસિંહે આ નોટિસ જોઈ તો વડોદરાની એમ ટેક હાર્ડવેર પ્રાઈવેટ લિમિટેડના નામે આ લોન લેવામાં આવી હતી. પોલીસે જણાવ્યું કે, સુરેન્દ્રસિંહે 2014માં અખબારમાં જાહેરાત વાંચીને 15 લાખની એજ્યુકેશન લોન અંગે જાણવા માટે આ સંસ્થાનો સંપર્ક કર્યો હતો. આ પછી રાજેશ સોની અને કુમાલી મોદી નામના બે શખસો સુરેન્દ્રસિંહને મળ્યા હતા અને તેમને લોન આપવાનો વાયદો કર્યો હતો.
વિશ્વાસ રાખીને કેટલાક દસ્તાવેજો આપ્યા
આ બન્ને પર વિશ્વાસ મૂકીને સુરેન્દ્રસિંહે તેમને કેટલાક કાગળો આપ્યા હતા. આ કાગળમાં તેમણે કરણજણના પ્લોટના કાગળો પણ આપ્યા હતા. આ પછી આ બન્ને શખસો વધુ એક વ્યક્તિને લઈને પ્રોપર્ટીનું મૂલ્યાંકન કરવા માટે આવ્યા હતા. સુરેન્દ્રસિંહે 15 દિવસ પછી કરેલી ફરિયાદમાં પોલીસને જણાવ્યું કે, તેઓ યોગેન્દ્ર રાણા અને ધારા મોદી નામના બીજા બે લોકોને લઈને આવ્યા હતા અને કહ્યું હતું કે તેઓ તેમની કંપનીના નામે લોન લઈ રહ્યા છે અને આ પછી તેઓ સુરેન્દ્રસિંહ જેવા બીજા 10 લોકો જેમને રુપિયાની જરુર છે તેમને મદદ કરશે.
લોનનો ઈનકાર કર્યો છતાં પત્ર મળ્યો
જોકે, આ ઓફર સાંભળ્યા પછી તેમણે લોન માટે ઈનકાર કરી દીધો હતો પણ વર્ષ પછી તેમને આ પત્ર મળ્યો છે જેમાં ₹1.45 કરોડની લોન અંગે બેંક દ્વારા જવાબ આપવા માટે જણાવાયું છે. તેમણે પોલીસને જણાવ્યું કે, તે ચાર લોકોએ તેમના દસ્તાવેજનો ઉપયોગ કર્યો અને ગેરન્ટેડ તરીકે તેમના ખોટી સહીઓ કરી છે. ચાવડાએ પોલીસેને બેંકના CCTV ફૂટેજ ચકાસવા માટે વિનંતી કરી છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.