નવી સિસ્ટમ સક્રિય થતા રાજ્યમાં ઘણા સ્થળોએ પડ્યો ભારે વરસાદ, હજુ 5 દિવસ રહેશે વાદળો

અમદાવાદમાં ભાઈબીજની રાત્રે પડ્યો ધોધમાર વરસાદ

અમદાવાદ: ચોમાસુની ઋતુ વિદાય લઈ ચૂકી હોવા છતાં હજુ દેશ અને રાજ્યના ઘણા ભાગોમાં વરસાદ પડી રહ્યો છે. KYARR વાવાઝોડાનો ખતરો તો ગુજરાત પરથી ટળી ગયો છે, પણ નવી સિસ્ટમ સક્રિય થઈ છે. જેને પગલે રાજ્યમાં અમદાવાદ સહિત ઘણા જિલ્લામાં હળવાથી ભારે વરસાદ પડ્યો હતો. ભાઈબીજના દિવસે અમદાવાદ, વડોદરા, ખેડા, કેવડિયા કોલોની, રાજકોટ, જામનગર, જુનાગઢ, મોરબી, સુરેન્દ્રનગર સહિતના વિસ્તારોમાં દોઢ ઈંચ જેટલો વરસાદ પડ્યો હતો. અમદાવાદ અને ગાંધીનગરમાં પણ રાત્રે અચાનક વાતાવરણ પલટાયું હતું અને જોરદાર પડવાનો શરૂ થઈ ગયો હતો. અરબ સાગરમાં વધુ એક સિસ્ટમ સક્રિય થઈ છે. જેના પગલે આગામી 5 દિવસ ગુજરાતમાં વાદળછાયું વાતાવરણ રહેવાની શક્યતા હવામાન વિભાગે વ્યક્ત કરી છે. હવામાન વિભાગની આગાહી મુજબ, વેલમાર્ક લો-પ્રેશર 24 કલાકમાં ડિપ્રેશન અને ત્યારબાદ ડિપ ડિપ્રેશન બની જશે. જેના પગલે અમદાવાદ અને ગાંધીનગર સહિતના ઘણા વિસ્તારોમાં વરસાદ પડશે તેવી પણ હવામાન વિભાગે આગાહી કરી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficialભાઈબીજની રાત્રે અમદાવાદના મોટાભાગના વિસ્તારોમાં ભારે વરસાદ પડ્યો હતો. પહેલા તો ધીમે-ધીમે શરૂ થયેલો વરસાદ અચાનક ધોધમાર પડવા લાગ્યો હતો. ગુજરાતના અન્ય વિસ્તારોમાં જોઈએ તો નર્મદા જિલ્લાના નાડોદમાં 55 મીમી, મોરબીમાં 50 મીમી અને ભરુચના વાગ્રામાં 43 મીમી વરસાદ રાત્રે 8 વાગ્યા સુધીમાં નોંધાયો હતો.અમદાવાદમાં રાત્રે પડ્યો ભારે વરસાદઅરબ સાગરમાં નવી સિસ્ટમ ઉભી થઈ હોવાના પગલે રાજ્યમાં વાતાવરણ પલટાયું છે અને જેના કારણે સૌરાષ્ટ્ર, દક્ષિણ ગુજરાત અને મધ્ય ગુજરાતમાં વરસાદ પડી રહ્યો છે. જેની અસર અમદાવાદ અને ગાંધીનગર સહિતના વિસ્તારોમાં પણ અનુભવાઈ રહી છે.વડોદરામાં વરસાદની તસવીરવડોદરા સહિત રાજ્યના ઘણા ભાગોમાં મંગળવારે વાદળછાયું વાતાવરણ છવાયેલું રહ્યું હતું. ત્યારે વડોદરામાં સમી સાંજે અચાનક વરસાદ તૂટી પડ્યો હતો. જેને પગલે લોકો રસ્તામાં અટવાઈ પડ્યા હતા.

વડોદરામાં તૂટી પડ્યો વરસાદ

ઉલ્લેખનીય છે કે, દિવાળી અને નવા વર્ષના દિવસે સુરત અને સૌરાષ્ટ્રના ઘણા વિસ્તારોમાં વરસાદ પડ્યો હતો. આ બે દિવસ દરમિયાન અમદાવાદના કેટલાક વિસ્તારોમાં પણ થોડાઘણો વરસાદ પડ્યો હતો. આજે ભાઈબીજના દિવસે પણ અમદાવાદ અને ગાંધીનગર સહિત રાજ્યના ઘણા જિલ્લાઓમાં ધોધમાર વરસાદ પડ્યો હતો.જુઓ, અમદાવાદ-ખેડા હાઈ-વે પર વરસાદમાં અટવાયા લોકો…પહેલા લીલા દુષ્કાળ અને હવે કમોસમી વરસાદની મારથી ખેડૂતોની હાલત કફોડી બની ગઈ છે. દિવાળી સમયે જ પડેલા આ બેવડા મારથી ખેડૂતોને ભારે આર્થિક ફટકો પડ્યો છે.