વડોદરાઃ લોકડાઉન વચ્ચે 100 વર્ષ જૂના વૃક્ષને બચાવવા તેની 'સર્જરી' કરાઈ

કોરોના વાયરસના કહેર વચ્ચે વડોદરામાં 100 વર્ષથી પણ વધુ જૂના વૃક્ષને બચાવવા માટે પર્યાવરણ પ્રેમીઓએ તેની ‘સર્જરી’ કરી. કોમ્યુનિટી સાયન્સ સેન્ટરના ડિરેક્ટર ડો. જીતેન્દ્ર ગવાલીએ કહ્યું, મુખ્યત્વે આફ્રિકામાં મળી આવતા ‘બાઓબાબ’ પ્રજાતિનું આ વૃક્ષ છે. આફ્રિકામાં આ વૃક્ષની મુખ્યત્વે 9 પ્રજાતિ છે, જેમાંથી એક મધ્ય પ્રદેશ અને ગુજરાતમાં મળી આવે છે.’ તેમણે કહ્યું, હાલમાં જ આ વૃક્ષનો એક ભાગ નીચે પડી જતા તેમાં સડવાનું શરૂ થઈ ગયું હતું. વૃક્ષને મરતા બચાવવા માટે તેમાં બગીચાની માટી, લીમડાનું તેલ અને પાણીથી બનેલો મલમ લગાવવામાં આવ્યો હતો. વૃક્ષો બચાવામાં તેમની મદદ કરતા હિતાર્થ પંડ્યાએ કહ્યું, તાપમાન વધવાથી વૃક્ષ પર મલમ લગાવવો વધારે જરૂરી બની જાય છે. અમે જાણીએ છીએ કે કોરોના વાયરસની મહામારી વચ્ચે બહાર નીકળવું જોખમી છે પરંતુ તાપમાન વધતા બાઓબાબ વૃક્ષને બચાવવું પણ જરૂરી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: