વડોદરાની દુમાડ ચોકડી પાસે ધોળાદિવસે ફાયરિંગની ઘટના, ગોળી વાગાતા બે ઈજાગ્રસ્ત

વડોદરાઃ અમદાવાદ-વડોદરા રોડ પર આવેલી દુમાડ ચોકડી પાસે ધોળા દિવસે ફાઈરિંગની ઘટના બનતા જાણે કે કોઈ ફિલ્મી સીન હોય તેવા દ્રશ્યો જોવા મળ્યા હતા. ફાયરિંગની ઘટનામાં બે વ્યક્તિને ગોળી વાગતા ઈજા પહોંચી જ્યારે અન્ય ત્રણ વ્યક્તિઓ બે જૂથની અથડામણામાં ઇજાગ્રસ્ત થયા હતા. ઘટનાની જાણ થતાં પોલીસ અને ઉચ્ચ અધિકારીઓ ઘટનાસ્થળે દોડી ગયા હતા . તમામ ઈજાગ્રસ્તોને SSG હોસ્પિટલમાં સારવાર માટે ખસેડવામાં આવ્યા છે. પોલીસે જણાવ્યું કે આ ઘટના ઓટો રીક્ષા ચલાવતા ભરવાડ લોકોના એક ગ્રુપની માથાકુટ લઘુમતિ સમાજના એક વ્યક્તિ સાથે થઈ હતી.

અથડામણ પાછળનું મુખ્ય કારણ અયુબ અલી પઠાણના ઈંટના ભટ્ટામાં કામ કરતું એક દંપતિ હતુ જે રવિવારે બપોર પછી ગાયબ થઈ ગયું હતું. પઠાણ તેમની શોધખોળ કરતો હતો, ત્યારે સોમવારે બપોરે પઠાણના એક કર્મચારીએ આ દંપતિને દુમાડ ચોકડી પાસે જોયુ હતું. જેતરામે તુરંત પઠાણને ફોન કર્યો તેમના વિશે માહિતી આપી હતી. પઠાણે તે આવે નહીં ત્યાં સુધી દંપતિને ત્યાં રોકી રાખવા માટે કહ્યું.

એચ ડિવિઝનના એસીપી બી.બી. રાઠોડે જણાવ્યું કે, 'તે દરમિયાન આ દંપતિ એક ઓટો ડ્રાઈવર સાથે વાત કરી રહ્યું હતું કારણે કે તે શહેરની મુસાફરી કરવા માંગતો હતો. જેતરામે દંપતિને રોકવાનો પ્રયાસ કર્યો પરંતુ ઓટો ડ્રાઈવરે વિચાર્યું કે તે ભાડુ ગુમાવી શકે છે. તેથી તે જેતરામ સાથે માથાકૂટ કરવા લાગ્યો હતો.'

ત્યાર બાદ જેતરામે પઠાણને ફોન કર્યો અને ઓટો ડ્રાઈવર સાથે થયેલી ઝપાઝપીની માહિતી આપી. થોડીવારમાં પઠાણ પોતાના આશરે છ સાથીદારો સાથે ઘટના સ્થળે પહોંચી ગયો અને સ્થળ પર હાજર ઓટો ચાલક અને ભરવાડ સમાજના અન્ય સભ્યો સાથે માથાકૂટ કરી હતી ટુંક સમયમાં જ બંને જૂથો વચ્ચે ઘર્ષણ શરૂ થયું. ભરવાડ સમાજે બીજા જૂથને લાકડીઓ વડે માર માર્યો હતો, જેના પગલે પઠાણે તેની લાઈસન્સવાળી રિવોલ્વરથી ગોળીબાર કર્યો હતો.

વજુ જોગરાણ અને દેવશી ભરવાડ નામના બે વ્યક્તિઓ ગોળી વાગતા ઈજાગ્રસ્ત થયા છે. પોલીસે જણાવ્યું કે લાકડી વડે માર મારતા અજમલ પઠાણ, અલ્તાફ પઠાણ અને ગુજરન ખાન પઠાણ ઘાયલ થયા છે. રસપ્રદ બાબતએ છે કે આરોપી અને ફરિયાદ એકબીજાને ઓળખતા નથી.'સામાન્ય બાબતમાં બંને જૂથ વચ્ચે ઘર્ષણ થયું. અમે હાલ FIR નોંધવાની કામગીરી કરી રહ્યા છીએ તેવું એમ. રાઠોડે જણાવ્યું છે.