વડોદરાઃ શહેર નજીક આવેલા એક ગામમાં સગીર વયની યુવતીને નજીકમાં રહેતા એક યુવક દ્વારા અવારનવાર હેરાન ગતિ અને છેડતી કરતો રહેતો હતો. જે અંગે યુવતીની વિધવા માતાએ અભયમનો સહારો લીધો જ્યારે અભયમની ટીમ તે ગામમાં યુવક ને પકડવા પહોંચી તો તે માળિયામાં છુપાઇ ગયેલો જણાવ્યો હતો અને તેને ઝડપી પાડી પોલીસને હવાલે કર્યો હોવાનો કિસ્સો બહાર આવ્યો છે. વડોદરા શહેર નજીક આવેલા ગામમાં સગીરાની વારંવાર છેડતી કરનારા યુવકની હરકતોથી ત્રાસેલી યુવતીની વિધવા માતાએ ગઈકાલે મહિલા સુરક્ષા હેલ્પલાઇનની મદદ લીધી હતી. અભયમની ટીમ ફરિયાદના આધારે વડોદરા નજીકના ગામ ખાતે પહોંચી હતી અને સગીર વયની યુવતી પાસેથી સમગ્ર માહિતી મેળવી હતી.
અભયમ ટીમે માતા અને દીકરી પાસેથી ઉંડાણપુર્વક માહિતી મેળવી હતી જેમાં આ જ યુવાને થોડા સમય પહેલા પણ આ જ રીતે છેડતી કરી હોવાનું જણાયું હતું જેથી માતા પુત્રીએ યુવાનથી પોતાને કાયમી રક્ષણ મળી રહે તે માટે જણાવ્યું હતું. અભયમ ટીમ યુવક ના ઘરે પહોંચી હતી અને તેને ઝડપી લીધો હતો.
મહત્વનું છે કે મહિલાની ફરિયાદ સાંભળ્યાબાદ અભયમની ટીમ છેડતી કરનારા યુવકના ઘેર પહોંચી હતી. જો કે તેના ઘરના લોકોએ આ યુવક ઘરમાં ના હોવાનું રટણ કર્યું હતું પણ અભયમની ટીમને શંકા ગઇ હતી કે યુવક ઘરમાં જ છે અને તેના ઘરના લોકો ખોટું બોલી રહ્યા છે જેથી શંકાના આધારે ઘરની તલાશી લેવાતા યુવક ઘરના માળીયામાં છુપાઇને બેઠેલો મળી આવ્યો હતો જેથી પોલીસે તેને ઝડપી લઇ પોલીસને હવાલે કર્યો હતો.