કપડવંજઃ નિરમાલી સ્કૂલની વિદ્યાર્થિની પર રેપ કરનારા લંપટ શિક્ષકને 20 વર્ષની સખત કેદ-દંડ

નડિયાદઃ કપડવંજના નિરમાલીમાં એક સ્કૂલની વિદ્યાર્થિની પર શિક્ષકે રેપ કર્યો હતો. ખેતરમાં ઉતારી જવાનું કહી શિક્ષક સગીર વિદ્યાર્થિનીને બીજી જગ્યાએ લઈ ગયો હતો. બાદમાં આ લંપટ શિક્ષકે વિદ્યાર્થિનીને પોતાની હવસનો શિકાર બનાવી હતી. આ મામલે પોલીસ ફરિયાદ પણ થઈ હતી. કોર્ટમાં કેસ ચાલતા વકીલે એવી પણ દલીલ કરી હતી કે, વિદ્યાર્થીઓના જીવનમાં માતા પછી બીજુ સ્થાન શિક્ષકનું હોય છે અને તે તેમના ભવિષ્યનું ઘડતર કરે છે. સાથે જ સારા સંસ્કારોનું સિંચન કરે છે. જો શિક્ષક દ્વારા જ આવી કરતૂત (Teacher raped on student) કરવામાં આવે તો વિશ્વાસ કોણ કરશે. ત્યારે કોર્ટે પણ આ દલીલો ગ્રાહ્ય રાખીને કપડવંજના નિરમાલી ચકચારી (Nirmali rape case) દુષ્કર્મ કેસમાં આરોપી શિક્ષકને 20 વર્ષની સખત કેદ અને દંડની સજા ફટકારી છે. કારમાં બેસાડી વિદ્યાર્થિનીને ખેતરમાં લઈ ગયો
પ્રાપ્ત રિપોર્ટ મુજબ, કપડવંજના નિરમાલીમાં દૂધની ડેરી સામે રહેતો 50 વર્ષના મહેશ શિવાભાઈ પટેલ છેલ્લાં 22 વર્ષથી નિરમાલી પ્રાથમિક સ્કૂલમાં શિક્ષક તરીકે ફરજ બજાવે છે. વાત ગઈ 27 ઓગસ્ટ 2020ની છે. એ સમયે આરોપી મહેશ પોતાની જ સ્કૂલમાં ભણતી 14 વર્ષની વિદ્યાર્થિનીને કારમાં બેસાડી ખેતરમાં ઉતારી જવાનું કહી લઈ ગયો હતો. બાદમાં આ લંપટ શિક્ષક જાફરિયાવાળા તુવેરના ખેતરમાં લઈ ગયો હતો અને દુષ્કર્મ આચર્યુ હતુ. અગાઉ પણ તેણે વિદ્યાર્થિની સાથે દુષ્કર્મ આચર્યુ હતુ અને મારી નાખવાની ધમકી આપી હતી.
પાલનપુરઃ પુત્ર-પુત્રવધૂએ વૃદ્ધ માતા-પિતાને કાઢી મૂકયા, પોલીસે કહ્યું, 'રાખી ન શકતા હોવ તો મારી પાસે મૂકી જાવ'
કડક સજા થાય એવી માગણી
આખરે આ કેસમાં કપડવંજ રુરલ પોલીસ સ્ટેશનમાં ફરિયાદ થઈ હતી. આ કેસ નડિયાદની પોક્સો કોર્ટના જજ પી.પી. પુરોહિતની કોર્ટમાં ચાલ્યો હતો. કોર્ટમા સરકારી વકીલ ગોપાલ ઠાકુરની દલીલો, 35 દસ્તાવેજી પુરાવા, 12 સાક્ષીઓની જુબાની અને દીકરીઓ પર વધી રહેલા ગુનાને ધ્યાને રાખીને કોર્ટે આકરી સજા ફટકારી છે. આરોપી શિક્ષક છે અને તેને કડક સજા થવી જોઈએ એવી દલીલોને ધ્યાનમાં રાખી કોર્ટે આરોપી શિક્ષક મહેશને 20 વર્ષની સખત કેદ અને દંડની સજા ફટકારી હતી. મહત્વનું છે કે જ્યારે કોર્ટમાં વિદ્યાર્થિનીની જુબાની લેવામાં આવી ત્યારે ધ્રુસકે ધ્રુસકે રડતી હતી. જે બાદ બે વખત જુબાની અટકાવવી પડી હતી.

આરોપી શિક્ષક ટ્યુશન કરાવવા આવતો ને...
આરોપી મહેશ પટેલ ધોરણ 6નો શિક્ષક હતો. પીડિત સગીરાનો ભાઈ પણ ધોરણ 6માં અભ્યાસ કરતો હતો. કોરોનાકાળમાં સ્કૂલો બંધ હોઈ આરોપી મહેશ કેટલાંક વિદ્યાર્થીઓને સાથે રાખીને ટ્યુશન કરાવતો હતો. જ્યારે પીડિત સગીરાનો પરિવાર ખેતરમાં મજુરીકામ કરતો હતો. એ દિવસે આરોપીએ વિદ્યાર્થિનીને ખેતરમાં ઉતારી જવાની વાત કરી હતી. વિદ્યાર્થિની પણ શિક્ષકની વાત પર વિશ્વાસ કરીને કારમાં બેસી ગઈ. બાદમાં આ લંપટ શિક્ષક કાર બીજા ખેતરમાં લઈ ગયો હતો અને રેપ કર્યો હતો. પાર્કિન્સનથી પીડિત નિવૃત્ત માતાની જીવનભરની લાખોની બચત લઈ પુત્ર રફુચક્કર
વિદ્યાર્થિનીને ધમકી આપી હતી
જ્યારે આ બનાવ બન્યો ત્યારે વિદ્યાર્થિનીના માતા-પિતા કોઈ કામથી બહારગામ ગયા હતા અને તેનો ભાઈ પણ ઘરે એકલો હતો. આરોપી શિક્ષકે રેપ કર્યા બાદ વિદ્યાર્થિનીને ધમકી આપી હતી. જેથી સગીર વિદ્યાર્થિની ગભરાઈ ગઈ હતી અને ડરના માર્યા કોઈને વાત કરી શકી નહોતી. આખરે માતા-પિતાને લાગ્યું કે તેમની દીકરી ગભરાયેલી છે. માતા-પિતાએ દીકરીની પૂછપરછ કરતા લંપટ શિક્ષકની કરતૂત સામે આવી હતી.