માતાજીના ગરબા રમતા હતા અને માતાજીનું વાહન આવી ચડ્યું
પ્રશાંત રુપેરા, વડોદરાઃ શહેરથી 17 કિમી દૂર આવેલ પિપરિયા ગામમાં શેરી ગરબામાં અચાનક એક પરીચિત પણ અવાંછિત મહેમાને દેખા દેતા લોકોમાં ભયનો માહોલ જોવા મળ્યો હતો. આ મહેમાન એટલે માં ખોડલનું વાહન મગરમચ્છ. ગામના મુખ્ય ચોકમાં યોજાતી શેરીગરબીમાં સોમવારે મોડીરાત્રે જ્યારે લોકો ગરબી સમાપનની તૈયારી કરી રહ્યા હતા ત્યારે કેટલાક ગામવાસીઓનું ધ્યાન આ મહેમાન પર પડ્યું હતું. 7 ફૂટ લાંબો આ મગર અચાનક ગામના મુખ્ય ચોકમાં આવી જતા થોડીવાર માટે નાસભાગ મચી ગઈ હતી અને લોકોએ તાત્કાલિક વન વિભાગને ફોન કર્યો હતો.
એકદમ ગરબા મેદાનમાં મગરને જોઈને લોકો દોડવા લાગ્યા
જોકે લોકોની નાસભાગથી મગર પણ એટલા જ અંશે ડરી ગયો હતો જેના કારણે તેને પકડવા આવનાર વન વિભાગના અધિકારીઓને મગર પર કાબૂ મેળવવામાં પરસેવો વળી ગયો હતો. ભયભીત થયેલો મગર ઘડી ઘડી આક્રમક થઈ જતો હતો જેના કારણે મગરના જડબાને પકડવા માટેની ખાસ પ્રકારની લાકડીમાં તેનું મોઢું પકડી શકાતું નહોતું. તો પોતે ઘડી ઘડી ઉંધોચત્તો થતો હોવાથી તેના પર કંતાનનો કોથળો પણ નાખી શકતા નહોતો. સામાન્ય રીતે મગરને પકડવા માટે પહેલા તો તેને શાંત કરવો પડે છે. આ માટે તેની આંખ પર કંતાનનો કોથળો નાખી દેવામાં આવે છે. આમ કરવાથી તેને આંખથી કંઈ દેખાતું નથી જેથી તે તરત જ શાંત થઈ જાય છે.
ફોરેસ્ટ વિભાગે ભારે જહેમત બાદ કર્યું રેસ્ક્યું
પ્રતિકાત્મક તસવીર ફોરેસ્ટ વિભાગના મગર પકડવા ગયેલી ટીમના સભ્ય જિગ્નેશ પરમારે કહ્યું કે, ‘તેમને ફોન કોલ આવ્યા બાદ ટીમ જ્યારે ગામમાં પહોંચી ત્યારે તેમણે જોયું કે ગરબા રમવાના સ્થળથી ચોકમા 500 મીટર જ દૂર મગર ઉભો હતો અને લોકો ભયથી દૂર ઉપર ચડીને ઉભા હતા. જ્યારે ડીજે પણ જેમનુ તેમ વાગતું હતું. મહામહેનત બાદ મગર પકડતા અમને પરોઢના 3 વાગ્યા હતા. જેને અમે વડોદરા ખાતે નર્સરીમાં લઈ આવ્યા હતા.’
આ પહેલા પણ મગરના રિપોર્ટ મળ્યા હતા પણ પાંજરામાં પૂરાયો નહોતો
પ્રતિકાત્મક તસવીર તેમણે વધુમાં કહ્યું કે ‘આ પહેલા પણ પિપરિયા ગામના તળાવમાં મગર હોવાનું ગામ લોકોએ કહ્યું હતું અને તેના આધારે અમે તળાવની આસપાસ મગરને પકડવા માટે પિંજરા પણ ગોઠવ્યા હતા જોકે કંઈ જ હાથ લાગ્યું નહોતું. ત્યારે અચાનક જ આમ મગર તળાવથી લગભગ એક કિમીથી પણ વધુ દૂર ગામમાં વચ્ચોવચ્ચ કઈ રીતે આવી ગયો તે એક આશ્ચર્યની ઘટના છે. સામાન્ય રીતે મગર પાણીથી ખાસ દૂર જતા નથી.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.