વડોદરા: છેલ્લા 44 દિવસથી ગુમ સ્વીટી પટેલનો હજુ સુધી કોઈ પત્તો ના લાગતા આખરે આ કેસની તપાસ હવે અમદાવાદ ક્રાઈમ બ્રાંચ અને ATSને સોંપવામાં આવી છે. અત્યારસુધી વડોદરા જિલ્લા પોલીસના DySP કક્ષાના અધિકારી તેની તપાસ કરી રહ્યા હતા. ગઈકાલે રાજ્ય ગૃહમંત્રી પ્રદીપસિંહ જાડેજાએ આ અંગેની જાહેરાત કરી હતી. આજે આ કેસના મુખ્ય શકમંદ એવા સ્વીટી પટેલના પતિ પોલીસ ઈન્સ્પેક્ટર અજય દેસાઈનો FSLમાં નાર્કો ટેસ્ટ પણ થવાનો છે.
આ કેસમાં અત્યારસુધીની તપાસમાં પોલીસને દહેજ તાલુકાના અટાલી ગામમાં આવેલી એક અવાવરું બિલ્ડિંગમાંથી સળગેલા હાડકાં મળ્યાં હતાં, જે 35-40 વર્ષની વય ધરાવતી વ્યક્તિના હોવાનું ફોરેન્સિક તપાસમાં ખૂલ્યું છે. આ હાડકાં સ્વીટીના જ છે કે કેમ તે કન્ફર્મ કરવા માટે તેનો ડીએનએ ટેસ્ટ કરવામાં આવ્યો છે, પરંતુ તેનું પરિણામ આવવાનું હજુ બાકી છે. સ્વીટીના પતિનો પોલિગ્રાફ ટેસ્ટ પણ થઈ ચૂક્યો છે. હવે તેમના નાર્કો ટેસ્ટ બાદ તેમની આ મામલામાં કોઈ સંડોવણી છે કે કેમ તેમજ તેઓ કોઈ વિગતો છૂપાવી રહ્યા છે કે નહીં તેનો અંદાજ મેળવી શકાશે.
જ્યાંથી હાડકાં મળ્યા તે જગ્યા અજય દેસાઈના પરિચિતની
પોલીસે આ કેસમાં કોંગ્રેસના એક નેતાની પણ પૂછપરછ કરી છે, જેઓ સ્વીટી પટેલના પીઆઈ પતિ અજય દેસાઈના પરિચિત છે. પોલીસને જે બિલ્ડિંગમાંથી હાડકાં મળ્યા છે તે જગ્યામાં આ નેતાની ભાગીદારી હોવાનું બહાર આવ્યું છે. જોકે, તેમની પૂછપરછમાં કોઈ નક્કર વિગતો જાણવા મળી છે કે નહીં તે વિશે પોલીસે હજુ સુધી કશુંય કહ્યું નથી. આ સિવાય વડોદરા પોલીસે અજય દેસાઈના અન્ય પરિચિતો, મિત્રો તેમજ સંબંધીઓની પણ પૂછપરછ કરી છે.
પોલીસનો બધો આધાર DNA અને નાર્કો ટેસ્ટ પર
સ્વીટી પટેલ ક્યાં અને કેવા સંજોગોમાં ગાયબ થયા તેનો કોઈ નક્કર જવાબ હજુ સુધીની તપાસમાં નથી મળી શક્યો. એટલું જ નહીં, તેઓ જીવીત છે કે કેમ તે પણ પોલીસ ખાતરી પૂર્વક કહી શકે તેમ નથી. હાલની સ્થિતિમાં પોલીસનો બધોય આધાર તેને મળેલા હાડકાંના નમૂનાની DNA તપાસ અને અજય દેસાઈના નાર્કો ટેસ્ટ પર રહેલો છે. જે હાડકાં પોલીસને મળ્યા છે તે માણસના હોવાનું કન્ફર્મ થઈ ચૂક્યું છે, પરંતુ તે કોના છે તે DNA રિપોર્ટ આવ્યા બાદ જ કહી શકાશે. વળી, અજય દેસાઈ આ કેસમાં કોઈ સંડોવણી ધરાવે છે કે કેમ તે પણ તેમના નાર્કો ટેસ્ટ બાદ જ કહી શકાશે.
ક્રાઈમ બ્રાંચને તપાસ સોંપાતા હવે પરિણામની આશા!
થોડા સમય પહેલા વડોદરામાં એક છોકરી પર ગેંગરેપની ઘટના બની હતી. વડોદરા પોલીસે તેની લાંબો સમય તપાસ કર્યા બાદ પણ કોઈ પરિણામ ના મળતા આખરે તેની તપાસ અમદાવાદ ક્રાઈમ બ્રાંચને સોંપાઈ હતી અને ગણતરીના દિવસોમાં જ પોલીસે આરોપીઓને ઝડપી લીધા હતા. અમદાવાદ ક્રાઈમ બ્રાંચ અને એટીએસ અત્યારસુધી ઘણા પેચીદા કેસમાં આરોપીઓ સુધી પહોંચવામાં સફળ રહી છે. તેવામાં હવે તેને તપાસ સોંપાતા આ કેસમાં જલ્દીથી કોઈ નક્કર તથ્યો બહાર આવે તેવી શક્યતા સેવાઈ રહી છે.
આ કેસમાં અત્યારસુધીની તપાસમાં પોલીસને દહેજ તાલુકાના અટાલી ગામમાં આવેલી એક અવાવરું બિલ્ડિંગમાંથી સળગેલા હાડકાં મળ્યાં હતાં, જે 35-40 વર્ષની વય ધરાવતી વ્યક્તિના હોવાનું ફોરેન્સિક તપાસમાં ખૂલ્યું છે. આ હાડકાં સ્વીટીના જ છે કે કેમ તે કન્ફર્મ કરવા માટે તેનો ડીએનએ ટેસ્ટ કરવામાં આવ્યો છે, પરંતુ તેનું પરિણામ આવવાનું હજુ બાકી છે. સ્વીટીના પતિનો પોલિગ્રાફ ટેસ્ટ પણ થઈ ચૂક્યો છે. હવે તેમના નાર્કો ટેસ્ટ બાદ તેમની આ મામલામાં કોઈ સંડોવણી છે કે કેમ તેમજ તેઓ કોઈ વિગતો છૂપાવી રહ્યા છે કે નહીં તેનો અંદાજ મેળવી શકાશે.
જ્યાંથી હાડકાં મળ્યા તે જગ્યા અજય દેસાઈના પરિચિતની
પોલીસે આ કેસમાં કોંગ્રેસના એક નેતાની પણ પૂછપરછ કરી છે, જેઓ સ્વીટી પટેલના પીઆઈ પતિ અજય દેસાઈના પરિચિત છે. પોલીસને જે બિલ્ડિંગમાંથી હાડકાં મળ્યા છે તે જગ્યામાં આ નેતાની ભાગીદારી હોવાનું બહાર આવ્યું છે. જોકે, તેમની પૂછપરછમાં કોઈ નક્કર વિગતો જાણવા મળી છે કે નહીં તે વિશે પોલીસે હજુ સુધી કશુંય કહ્યું નથી. આ સિવાય વડોદરા પોલીસે અજય દેસાઈના અન્ય પરિચિતો, મિત્રો તેમજ સંબંધીઓની પણ પૂછપરછ કરી છે.
પોલીસનો બધો આધાર DNA અને નાર્કો ટેસ્ટ પર
સ્વીટી પટેલ ક્યાં અને કેવા સંજોગોમાં ગાયબ થયા તેનો કોઈ નક્કર જવાબ હજુ સુધીની તપાસમાં નથી મળી શક્યો. એટલું જ નહીં, તેઓ જીવીત છે કે કેમ તે પણ પોલીસ ખાતરી પૂર્વક કહી શકે તેમ નથી. હાલની સ્થિતિમાં પોલીસનો બધોય આધાર તેને મળેલા હાડકાંના નમૂનાની DNA તપાસ અને અજય દેસાઈના નાર્કો ટેસ્ટ પર રહેલો છે. જે હાડકાં પોલીસને મળ્યા છે તે માણસના હોવાનું કન્ફર્મ થઈ ચૂક્યું છે, પરંતુ તે કોના છે તે DNA રિપોર્ટ આવ્યા બાદ જ કહી શકાશે. વળી, અજય દેસાઈ આ કેસમાં કોઈ સંડોવણી ધરાવે છે કે કેમ તે પણ તેમના નાર્કો ટેસ્ટ બાદ જ કહી શકાશે.
ક્રાઈમ બ્રાંચને તપાસ સોંપાતા હવે પરિણામની આશા!
થોડા સમય પહેલા વડોદરામાં એક છોકરી પર ગેંગરેપની ઘટના બની હતી. વડોદરા પોલીસે તેની લાંબો સમય તપાસ કર્યા બાદ પણ કોઈ પરિણામ ના મળતા આખરે તેની તપાસ અમદાવાદ ક્રાઈમ બ્રાંચને સોંપાઈ હતી અને ગણતરીના દિવસોમાં જ પોલીસે આરોપીઓને ઝડપી લીધા હતા. અમદાવાદ ક્રાઈમ બ્રાંચ અને એટીએસ અત્યારસુધી ઘણા પેચીદા કેસમાં આરોપીઓ સુધી પહોંચવામાં સફળ રહી છે. તેવામાં હવે તેને તપાસ સોંપાતા આ કેસમાં જલ્દીથી કોઈ નક્કર તથ્યો બહાર આવે તેવી શક્યતા સેવાઈ રહી છે.