વડોદરાઃ માસ્ક વગર ચાલુ ગાડીએ ફોન પર વાત કરતા પકડાયો પોલીસકર્મી, કરવા લાગ્યો ભાઈબાપા

વડોદરા: સોશિયલ મીડિયામાં નિયમોના ધજાગરા ઉડાવતા પોલીસકર્મીનો વીડિયો વાયરલ થયો છે. વડોદરાના રોડ ઉપર આ પોલીસકર્મી હેલમેટ અને માસ્ક પહેર્યા વિના ફોન પર વાત કરતા જઈ રહ્યો હતો. એટલું જ નહીં આ ઉપરાંત બાઈક પર નંબર પ્લેટ પણ લગાવેલી નહોતી. આ જોઈને અન્ય વાહનચાલકો પણ ભડકી ઉઠ્યા હતા.

આ વિડીયોમાં જોઈ શકાય છે કે પોલીસ કર્મીને ચાલુ વાહને ફોન પર વાત કરતા જોઈને અન્ય બાઈક ચાલક યુવકો તેમનો વિડીયો બનાવ્યો અને પોલીસકર્મીને રોકીને તેને દંડ ભરવા માટે કહ્યું. આ દરમિયાન પોલીસકર્મી પોતાની બુલ સ્વીકારવાને બદલે દોડીને ફોનમાં વિડીયો બંધ કરાવવી રહ્યો હતો. આ દરમિયાન તે વિડીયો રેકોર્ડ કરનારા જાગૃત નાગરીકે કહ્યું કે અમારી ભૂલ હોય તો પોલીસ તુરંત જ 1 હજાર રૂપિયા દંડ કરે છે અને તમે તો હેલ્મેટ અને માસ્ક પહેર્યું નથી આ ઉપરાંત ચાલુ વાહને અને નંબર પ્લેટ વગરનું વાહન ચલાવી રહ્યા છો.


વાઈરલ વિડીયોમાં જોઈ શકાય છે કે જ્યારે પોલીસકર્મીને પુછવામાં આવે છે કે તેઓ કયા પોલીસ સ્ટેશનમાં ફરજ બજાવે છે તે પુછવામાં આવ્યું તો તેઓ બાપોદ પોલીસ સ્ટેશનમાં ફરજ પર હોવાનું કહી રહ્યા છે. આ દરમિયાન ઘણા લોકો એકઠા થઈ જાય છે અને પોલીસકર્મીને પોતાની ભૂલ સમજાય છે.