વડોદરા: આજકાલ લોકોમાં સ્વાસ્થ્ય પ્રત્યે જાગૃતિ વધી છે, અને તેના કારણે જિમમાં જનારા લોકોની સંખ્યામાં પણ વધારો થયો છે. જોકે, વડોદરામાં એક એવી ચોંકાવનારી ઘટના સામે આવી છે કે જે જિમમાં જતા લોકો માટે લાલબત્તી સમાન છે. શહેરના લક્ષ્મીપુરા રોડ પર રહેતી 31 વર્ષીય મહિલા ટ્રેડમિલ પર જોગિંગ કરી રહી હતી તે દરમિયાન જ તેને અચાનક ગભરામણ થવા લાગી હતી, તેણે તરત જ કસરત કરવાનું બંધ કર્યું, પરંતુ તેની હાલત વધુ કથળી રહી હતી.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોગોરવાના લક્ષ્મીપુરા રોડ પર આવેલા શિવ ડુપ્લેક્સમાં રહેતા પૂજા મહેતા નામના આ મહિલાએ છ મહિના પહેલા જ જિમમાં જવાનું શરુ કર્યું હતું. ગુરુવારે સવારે 9 વાગ્યે પૂજાબેન જિમમાં રુટિન અનુસાર કસરત કરી રહ્યાં હતાં ત્યારે ટ્રેડમિલ પર કાર્ડિયો દરમિયાન તેમને ગભરામણ થવા લાગી હતી, અને તેમણે આ અંગે જિમના સ્ટાફને જાણ કરી હતી.પૂજાબેનની તબિયત લથડતાં તાત્કાલિક 108 બોલાવાઈ હતી, અને તેમના પરિવારજનોને પણ સૂચના આપી દેવામાં આવી હતી. આ દરમિયાન પૂજાબેનના પલ્સ રેટ ડાઉન થવા લાગ્યા હતા. તેમના સંબંધીના જણાવ્યા અનુસાર, 108માં તેઓ ભાનમાં હતાં અને વાતો પણ કરી રહ્યાં હતાં, પરંતુ તેમને સખત ગભરામણ થઈ રહી હતી. જોકે, હોસ્પિટલ પહોંચાડાય તે પહેલા જ પૂજાબેનનું મોત થયું હતું. જિમ કે વર્કઆઉટ બાદ આ બાબતોનું ખાસ ધ્યાન રાખવું, નહીંતર…