વડોદરાઃ સુહાગરાત પર પતિ થાકી ગયો છું કહીને સૂઈ ગયો, હનીમૂન પર પત્નીને પલંગ પરથી ફેંકી દીધી

વડોદરાઃ લગ્ન જીવન પછી દંપતી વચ્ચે અંગત સંબંધો, લગ્નેત્તર સંબંધો સહિતના મુદ્દાઓને લઈને ઘણાં કોર્ટ કેસ થતા રહેતા હોય છે. આવો એક કિસ્સો વડોદરામાં બન્યો છે કે જ્યાં પતિ-પત્ની વચ્ચેના શારીરિક સંબંધો સહિતના મુદ્દે કંટાળેલી પરિણીતાએ પોલીસ ફરિયાદ નોંધાવી છે. તેના પતિ દ્વારા સુહાગરાત અને હનીમૂન પર જે કર્યું તેનો ઉલ્લેખ પણ પોતાની ફરિયાદમાં જણાવી છે. મળતી વિગતો પ્રમાણે જેપી રોડ પોલીસ સ્ટેશનમાં પરિણીતાએ ફરિયાદ નોંધાવી છે. જેમાં તણે જણાવ્યું કે તેમના લગ્ન મુંબઈના યુવક સાથે થયા હતા, લગ્નની રાત્રે પતિ-પત્ની વડોદરાની એક હોટલમાં રોકાયા હતા. એ દિવસે પતિએ બહુ થાકી ગયો છું તેમ કહીને સંબંધ બાંધવાનું ટાળ્યું હતું અને અલગ સૂઈ ગયો હતો.

પત્ની જ્યારે પતિના ઘરે મુંબઈ રહેવા ગઈ ત્યાં પણ પતિ તેની સાથે સંબંધ નહોતો રાખતો. પરિણીતાએ ફરિયાદમાં જણાવ્યું કે પતિને મારા સાસુ અને નણંદ મોડી રાત સુધી બેસાડી બહારના રૂમમાં બેસાડી રાખતા હતા અને હું સૂઈ જાઉં પછી તે રૂમમાં આવતો હતો. જ્યારે પરિણીતા તેના પતિ સાથે હનીમૂન પર ગઈ ત્યાં પણ તેનો કડવો અનુભવ થયો હતો.

પરિણીતા જ્યારે પતિ સાથે હનીમૂન પર વિદેશ ગઈ ત્યાં તેણે સામેથી શારીરિક સંબંધ બાંધવા માટે પહેલી કરી હતી, આ જોઈને પતિએ પરણિતાને બેડ પરથી નીચે ફેંકી દીધી હતી. આ પછી પત્નીને સમજાયું કે તેનો પતિ શારીરિક સંબંધ બાંધવામાં સક્ષમ ના હોવા છતાં લગ્ન પહેલા આ વાત છૂપાવવામાં આવી હતી.

જ્યારે પતિ વિદેશ જતો રહ્યો તે પછી પરિણીતાને વિદેશ મોકલવા બાબતે સાસુ અને નણંદે ખોટી વાતો કરી હતી અને તેની પાસે રૂપિયા 5 લાખની માગણી કરવામાં આવી હતી. જો પતિની શારીરિક સંબંધની વાત કોઈને કહી તો ખોટી રીતે ફસાવી દેવાની ધમકીઓ પણ પરિણીતાને આપવામાં આવી હતી.

જેપી રોડ પોલીસે આ મામલે પતિ સહિત સાસુ-સસરા અને નણંદ સામે IPCની કલમ 498, 323, 294 B, 506 (2) અને દહેજ પ્રતિબંધની કલમ પ્રમાણે ગુનો નોંધવામાં આવ્યો છે.