વડોદરામાં ડમી ઉમેદવાર દ્વારા રેલવે ભરતી બોર્ડની પરીક્ષામાં બેસવા માટે આવ્યો હતો પરંતુ બાયોમેટ્રિક તપાસ દરમિયાન તેનો ભાંડો ફૂટી ગયો હતો. ડમી ઉમેદવાર રાજ્યગુરુ ગુપ્તા પરીક્ષા કેન્દ્ર પર મનીષ નામના ઉમેદવાર વતી પરીક્ષા આપવા માટે કેન્દ્ર પર પહોંચ્યો હતો. રાજ્યગુરુએ મૂળ ઉમેદવારના નામે પરીક્ષા આપવા માટે જે કાંડ કર્યા હતા તે હવે પોલીસ તપાસમાં સામે આવી રહ્યા છે. મનીષે તેના ડમી ઉમેદવારને સ્કીન આપવા માટે કઈ રીતે ચામડી ઉતારી હતી તે સહિતના ખુલાસા પણ થઈ રહ્યા છે.
પરીક્ષા કેન્દ્ર પર પહોંચેલા ડમી ઉમેદવાર રાજ્યગુરુના ડાબા અંગૂઠાના ફિંગરપ્રિન્ટ લેવા માટે પ્રયાસો કરાયા હતા પરંતુ વારંવાર તે નિષ્ફળ જતા પરીક્ષા કેન્દ્ર પર હાજર સ્ટાફને શંકા ગઈ હતી. આરોપી વારંવાર પોતાનો હાથ ખિસ્સામાં રાખતો હતો અને કંઈક છૂપાવી રહ્યો હોય તેવું લાગી રહ્યું હતું.
જ્યારે ડમી ઉમેદવાર રાજ્યગુરુના હાથને સાફ કરવા માટે સેનિટાઈઝરનો ઉપયોગ કરવામાં આવ્યો ત્યારે આખો ભાંડો ફૂટી ગયો હતો. ડમી ઉમેદવારે કેમિકલનો ઉપયોગ કરીને તેના પર મનીષની ફિંગરપ્રિન્ટ કેમિકલનો ઉપયોગ કરીને ચોંટાડી હોવાનું માલુમ પડ્યું હતું. આ મામલે પોલીસને જાણ કરતા રાજ્યગુરુની સાથે મૂળ ઉમેદવારની પણ ધરપકડ લક્ષ્મીપુરા પોલીસ દ્વારા કરી લેવામાં આવી છે. ડમી અને મૂળ ઉમેદવાર બન્ને બિહારના રહેવાસી હોવાનું પણ જાણવા મળ્યું છે.
વડોદરા પોલીસ તપાસમાં ખુલ્યા વધુ રહસ્યો
રિપોર્ટ્સ મુજબ મૂળ ઉમેદવાર મનીષે ગરમ કરેલી વસ્તુ પર પોતાના ડાબા હાથનો અંગૂઠો મૂકતા ફોલ્લો પડી ગયો હતો, આ પછી આ ચામડીને ઉતારીને ડમી ઉમેદવાર રાજ્યગુરુએ પોતાના ડાબા અંગૂઠા પર લગાવી દીધી હતી. પરંતુ જ્યારે તે ત્રણ તબક્કામાં યોજાયેલી રેલવેની પરીક્ષામાં છેલ્લા તબક્કા દરમિયાન તપાસ કરાઈ તો તેની ફિંગરપ્રિન્ટ બાયોમેટ્રિક તપાસમાં સ્કેન થઈ રહી નહોતી. આ પછી તપાસ કરતા આખો મામલો સામે આવ્યો હતો.
લક્ષ્મીનગર પોલીસે ડમી ઉમેદવાર રાજ્યગુરુ અને મૂળ ઉમેદવાર મનીષની ધરપકડ કરીને આ પ્રકારના કેસ પાછળ કોઈ માસ્ટર માઈન્ડ છે કે નહીં અને આ પહેલા ડમી ઉમેદવારે અગાઉ કોઈ પરીક્ષા આપી છે કે કેમ અને આ પ્રકારના કામ માટે કેટલા રૂપિયા લેવામાં આવતા હતા તે સહિતની તપાસ રિમાન્ડ દરમિયાન કરવામાં આવશે.
નકલી ફિંગરપ્રિન્ટ માટે ઉપયોગમાં લેવાયેલી ચામડીની તપાસ કરાશેડમી ઉમેદવાર રાજ્યગુરુ દ્વારા ખરેખર મૂળ ઉમેદવારની ચામડી ઉતારીને પોતાના ડાબા અંગૂઠા પર લગાવવામાં આવેલી વાતની ખરાઈ કરવા માટે જે ચામડી જેવી વસ્તુ મળી છે તેને તપાસ માટે FSLમાં મોકલાશે તેવી વિગતો પણ મળી રહી છે. જો ખરેખર આ ચામડી જ હશે તો તેનો મેડિકલ પુરાવા તરીકે ઉપયોગ કરીને આરોપીઓને કડકમાં કડક સજા થાય તેવા વડોદરા પોલીસ દ્વારા પ્રયાસ કરવામાં આવશે.
પરીક્ષા કેન્દ્ર પર પહોંચેલા ડમી ઉમેદવાર રાજ્યગુરુના ડાબા અંગૂઠાના ફિંગરપ્રિન્ટ લેવા માટે પ્રયાસો કરાયા હતા પરંતુ વારંવાર તે નિષ્ફળ જતા પરીક્ષા કેન્દ્ર પર હાજર સ્ટાફને શંકા ગઈ હતી. આરોપી વારંવાર પોતાનો હાથ ખિસ્સામાં રાખતો હતો અને કંઈક છૂપાવી રહ્યો હોય તેવું લાગી રહ્યું હતું.
જ્યારે ડમી ઉમેદવાર રાજ્યગુરુના હાથને સાફ કરવા માટે સેનિટાઈઝરનો ઉપયોગ કરવામાં આવ્યો ત્યારે આખો ભાંડો ફૂટી ગયો હતો. ડમી ઉમેદવારે કેમિકલનો ઉપયોગ કરીને તેના પર મનીષની ફિંગરપ્રિન્ટ કેમિકલનો ઉપયોગ કરીને ચોંટાડી હોવાનું માલુમ પડ્યું હતું. આ મામલે પોલીસને જાણ કરતા રાજ્યગુરુની સાથે મૂળ ઉમેદવારની પણ ધરપકડ લક્ષ્મીપુરા પોલીસ દ્વારા કરી લેવામાં આવી છે. ડમી અને મૂળ ઉમેદવાર બન્ને બિહારના રહેવાસી હોવાનું પણ જાણવા મળ્યું છે.
વડોદરા પોલીસ તપાસમાં ખુલ્યા વધુ રહસ્યો
રિપોર્ટ્સ મુજબ મૂળ ઉમેદવાર મનીષે ગરમ કરેલી વસ્તુ પર પોતાના ડાબા હાથનો અંગૂઠો મૂકતા ફોલ્લો પડી ગયો હતો, આ પછી આ ચામડીને ઉતારીને ડમી ઉમેદવાર રાજ્યગુરુએ પોતાના ડાબા અંગૂઠા પર લગાવી દીધી હતી. પરંતુ જ્યારે તે ત્રણ તબક્કામાં યોજાયેલી રેલવેની પરીક્ષામાં છેલ્લા તબક્કા દરમિયાન તપાસ કરાઈ તો તેની ફિંગરપ્રિન્ટ બાયોમેટ્રિક તપાસમાં સ્કેન થઈ રહી નહોતી. આ પછી તપાસ કરતા આખો મામલો સામે આવ્યો હતો.
લક્ષ્મીનગર પોલીસે ડમી ઉમેદવાર રાજ્યગુરુ અને મૂળ ઉમેદવાર મનીષની ધરપકડ કરીને આ પ્રકારના કેસ પાછળ કોઈ માસ્ટર માઈન્ડ છે કે નહીં અને આ પહેલા ડમી ઉમેદવારે અગાઉ કોઈ પરીક્ષા આપી છે કે કેમ અને આ પ્રકારના કામ માટે કેટલા રૂપિયા લેવામાં આવતા હતા તે સહિતની તપાસ રિમાન્ડ દરમિયાન કરવામાં આવશે.
નકલી ફિંગરપ્રિન્ટ માટે ઉપયોગમાં લેવાયેલી ચામડીની તપાસ કરાશેડમી ઉમેદવાર રાજ્યગુરુ દ્વારા ખરેખર મૂળ ઉમેદવારની ચામડી ઉતારીને પોતાના ડાબા અંગૂઠા પર લગાવવામાં આવેલી વાતની ખરાઈ કરવા માટે જે ચામડી જેવી વસ્તુ મળી છે તેને તપાસ માટે FSLમાં મોકલાશે તેવી વિગતો પણ મળી રહી છે. જો ખરેખર આ ચામડી જ હશે તો તેનો મેડિકલ પુરાવા તરીકે ઉપયોગ કરીને આરોપીઓને કડકમાં કડક સજા થાય તેવા વડોદરા પોલીસ દ્વારા પ્રયાસ કરવામાં આવશે.