અમદાવાદ: રાજ્યમાં વરસાદનો બીજો રાઉન્ડ ધમાકેદાર રીતે શરૂ થઈ ગયો છે. રાજ્યના લગભગ દરેક જિલ્લામાં હળવાથી ભારે વરસાદ પડ્યો છે. તેમાંય મધ્ય ગુજરાતમાં તો બારે મેઘ ખાંગા થયા છે. પંચમહાલ જિલ્લાના ગોધરામાં પણ ભારે વરસાદને પગલે ઠેર-ઠેર પાણી ભરાઈ ગયા છે. ગોધરા રેલવે સ્ટેશને ટ્રેક પણ પાણીમાં ડૂબી ગયા છે. જેના કારણે દિલ્હી અને મુંબઈ તરફ જતી ટ્રેનોને રોકી દેવી પડી છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરોરાજ્યના ગોધરા રેલવે સ્ટેશન પર પાણીનું લેવલ 50 mm કરતા વધારે જોવા મળતા દિલ્હી જતી તમામ ટ્રેનો સ્થગિત કરવામાં આવી છે. મુંબઈ દિલ્હી વાયા ગોધરા રતલામ માર્ગમાં 3 ટ્રેનો રોકવામાં આવી છે. જે પૈકી સામલ્યા રેલવે સ્ટેશન પર વડોદરા-દાહોદ મેમુ રોકાયેલી છે, દેરોલ રેલવે સ્ટેશન પર મુંબઈ સેન્ટ્રલ – અમૃતસર પશ્ચિમ એક્સપ્રેસ ટ્રેન રોકાયેલી છે અને વડોદરા રેલવે સ્ટેશન પર અમદાવાદ-નિઝામુદ્દીન સંપર્ક ક્રાંતિ એક્સપ્રેસ ટ્રેન રોકાયેલી છે.
