સારો ફોટો લેવાના ચક્કરમાં પત્ની પાવાગઢ પર્વત પરથી ખીણમાં પડી

વડોદરાઃ રવિવારે સાંજે પાવાગઢ પર પહોંચેલા પતિ પત્નીને સ્વપનેય ખ્યાલ નહીં હોય કે તેમને એક ફોટો આટલો મોંઘો પડી જશે. સાંજના સમયે પાવાગઢ પરથી પતિ ફોટો પાડતો હતો અને પત્ની નીચે પડી. પહાડ પરથી પડેલી મહિલા વનીતા સોલંકી (25) હતી અને તે પતિ દીપક અને બે બાળકો સાથે મધ્યપ્રદેશના જાબુઆથી ફરવા માટે આવ્યા હતા. પોલીસના જણાવ્યા પ્રમાણે આ કપલ શનિવારે પાવાગઢ પહોંચ્યું હતું અને રવિવારે મહાકાળી મંદિર પહોંચવા માટે પર્વત ચઢવાની શરુઆત કરી હતી.મૃતક મહિલાના પતિ દીપકે પોલીસને જણાવ્યું કે, તેઓએ પહેલા માછીથી 1 કિલોમીટરના અંતરે આવેલા ભદ્રકાળી મંદિરના દર્શન કર્યા. અહીં દર્શન કર્યા પછી કપલે ફોટોગ્રાફી કરવાનું વિચાર્યું અને ધોધ પાસે પત્ની પોઝ આપશે અને ફોટોગ્રાફ ક્લિક કરીશું, આ સમયે દીપકે તેને સારા ફોટોગ્રાફ્સ માટે થોડું ખસવા માટે જણાવ્યું. પોલીસે જણાવ્યું કે “જેવી વનિતા ફોટો માટે સહેજ ખસી કે તેનો પગ ભીની જમીન પર લપસ્યો અને તે પર્વત પરથી ખીણમાં પડી.” દીપકે સ્થાનિકોને તેની પત્નીને શોધવા માટે મદદ કરવા માટે કહ્યું, પણ હવામાન ખરાબ હોવાના કારણે પોલીસને જાણ કરવામાં આવી. “હવામાન વાદળછાયું હતું, જેના કારણે વિઝિબ્લિટી લો હતી. પોલીસ જવાનો અને હાલોલના ફાયર વિભાગના જવાનોએ મહિલાને શોધવાની કોશિશ કરી, પણ હજુ સુધી તે મળી નથી.”સૂત્રોએ જણાવ્યું કે, દીપક મધ્યપ્રદેશમાં ઈલેક્ટ્રિક બોર્ડમાં નોકરી હતી હતી જ્યારે વનિતા પ્રાથમિક શાળામાં શિક્ષિકા તરીકે ફરજ બજાવતી હતી.