મામાએ કર્યો રેપ, દસ વર્ષની ભાણીએ આપ્યો બાળકને જન્મ

ચંદીગઢ, પોતાના મામાની હવસનો શિકાર બનેલી 19 વર્ષીય બાળકીએ આજે એક બાળકને જન્મ આપ્યો છે. આ પ્રસૂતિ સર્જરી દ્વારા કરવામાં આવી હતી. નવજાત બાળકનું વજન ઓછું છે અને તેને ICUમાં રાખવામાં આવ્યો છે. ચંદીગઢના સેક્ટર 32 સ્થિત ગવર્નમેન્ટ મેડિકલ કૉલેજ એન્ડ હૉસ્પિટલ (GHMC) અને પીજીઆઈના ડૉક્ટર્સની એક પેનલના નિર્ણય બાદ આજે આ બાળકીની ડિલિવરી કરાવવામાં આવી હતી. પહેલા આ ડિલિવરી સોમવારના રોજ થવાની હતી જે કેટલીક મુશ્કેલીઓને કારણે ટાળી દેવાઈ હતી. આ ઘટનાએ આખા દેશમાં ચકચાર મચાવી દીધો હતો. બાળકીના મામાએ જ તેનો રેપ કર્યો હતો જે બાદ તે પ્રેગનેન્ટ થઈ ગઈ હતી. આ વાતનો ખુલાસો પીડિતાની હાલત ગંભીર થયા બાદ થયો હતો, પરંતુ ત્યા સુધી ગર્ભ 32 અઠવાડિયાનો થઈ ચૂક્યો હતો. પીડિતાના માતા-પિતા બાળકીનો અબોર્શન કરાવવા ઈચ્છતા હતા પરંતુ કાયદામાં 20 અઠવાડિયા કરતા વધુ પુરાણા ગર્ભના ગર્ભપાતની મંજૂરી અપાઈ નથી. નોંધનીય છે કે કોર્ટના નિર્ણય બાદ પીડિત પરિવારે સુપ્રીમ કોર્ટમાં અરજી કરી. ત્યાં પણ તેઓ નિરાશ થયા હતા. પીજીઆઈ અને ચંદીગઢ પ્રશાસન પાસેથી રિપોર્ટ માંગવામા આવી તેમ છતા પીડિતાને રાહત ન મળી. પીજીઆઈની રિપોર્ટ અનુસાર, અબોર્શન કરવાથી બાળકીના જીવને ખતરો હોવાની આશંકા હતી.