ઈટાવા: યૂપીના સૈફઈ સ્થિત યૂપી યુનિવર્સિટી ઑફ મેડિકલ સાયન્સિસે 150થી વધુ નવા સ્ટુડન્ટ્સના મુંડનની ઘટનાને રેગિંગ માનવાની ના પાડી દીધી છે. યૂનિવર્સિટીના વાઈસ ચાન્સેલરે આને સંસ્કારનું નામ આપી દીધી છે. બીજી તરફ ઈટાવાના ડીએમ જેબી સિંહે બે સભ્યોની કમિટી બનાવી કાર્યવાહી કરવાની વાત કરી છે. SDMએ DMને પોતાનો રિપોર્ટ મોકલી ઘટનાની પુષ્ટિ કરી છે.જણાવી દઈએ કે, યૂપી યૂનિવર્સિટી ઑફ મેડિકલ સાયન્સિસમાં પહોંચેલા 150થી વધુ નવા સ્ટુડન્ટ્સનો રેગિંગના કારણે મુંડન કરાવવાનો વિડીયો સોશિયલ મીડિયા પર વાયરલ થઈ રહ્યો છે. રેગિંગના આ કથિત મામલે સ્ટુડન્ટ્સને મુંડન કરાવી યૂનિવર્સિટીના કેમ્પસમાં પરેડ કરાવવામાં આવી. નવા એડમિશન લઈને પહોંચેલા આ સ્ટુડન્ટ્સને બોલિવૂડ ફિલ્મ ‘થ્રી ઈડિયટ્સ’ના એક દૃશ્ય ‘જહાપના તુસ્સી ગ્રેટ હો, તોહફા કબૂલ કરો…’ની જેમ નમીને સલામી ઠોકવા માટે કહેવામાં આવ્યું હતું.
‘રેગિંગની વાત તદ્દન આધારહીન’યૂનિવર્સિટીના વાઈસ ચાન્સેલર ડૉ. રાજ કુમારે રેગિંગની વાતને નકારતા આના મેડિકલ એજ્યુકેશન સિસ્ટમમાં સંસ્કાર ગણાવ્યા છે. VCએ કહ્યું કે, ‘પ્રાથમિક તપાસ રિપોર્ટ અનુસાર, વિદ્યાર્થીઓએ આવી કોઈપણ પ્રકારની રેગિંગની ઘટનાનું ખંડન કર્યું છે.’ VC કહ્યું, ‘રિપોર્ટ અનુસાર, રેગિંગની ઘટના આધારહીન છે અને આમાં તમામ સ્ટુડન્ટ્સના હસ્તાક્ષર પણ છે.’VCએ કહ્યું કે, ‘આ શિષ્ટાચાર નિર્માણના ઉદ્દેશ્યથી કરવામાં આવેલી એક્ટિવિટી છે. આ પ્રકારના અભ્યાસમડૉક્ટરોની વચ્ચે એક લેવલ વિકસિત કરવા માટે ખૂબ જ જરૂરી છે. રિપોર્ટમાં યૂનિવર્સિટી તંત્ર પર બેદરકારી વર્તવાનો અને તથ્યોને છૂપાવવાનો પ્રયત્ન કરવાના પણ આરોપ લગાવવામાં આવ્યા છે.’
નથી રોકાઈ રહ્યાં રેગિંગના કિસ્સાજણાવી દઈએ કે, સૈફઈ પૂર્વ મુખ્યમંત્રીઓ અને સમાજવાદી પાર્ટીના નેતા મુલાયમ સિંહ યાદવ અને અખિલેશ યાદવનું પૈતૃક ગામ છે. જોકે સુપ્રીમ કોર્ટ તરફથી રેગિંગ પર સંપૂર્ણપણે પ્રતિબંધ લગાવાયો હોવા છતાં શિક્ષણ સંસ્થાઓમાં અવારનવાર આવી ઘટનાઓ થતી જોવા મળે છે.
