એપશહેર

'હું પાકિસ્તાની છું મને મારો અથવા ભેટો' લખેલું પોસ્ટર લઈને ઊભો હતો યુવક, લોકોએ કર્યું આવું

શિવાની જોષી | I am Gujarat 12 Aug 2019, 1:06 pm
પશ્ચિમ બંગાળના કોલકાતાની ગલીઓમાં શનિવારે એક અદ્ભૂત નજારો જોવા મળ્યો. અહીં એક યૂટ્યૂબરે પોસ્ટર લઈને સોશિયલ મીડિયા એક્સપરિમેન્ટ કર્યું. પોસ્ટરમાં લખ્યું હતું કે, “હું પાકિસ્તાનથી આવ્યો છું. પ્લીઝ મને મારો અથવા ભેટો”. આઠ કલાકથી વધારે સમય સુધી આ યુવકે કરેલા પ્રયોગમાં તેને લોકો તરફથી માત્ર જાદુની ઝપ્પી મળી. કોઈએ લાફો માર્યો નહીં. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
8 કલાકમાં લોકો યુવકને ભેટ્યા, કોઈએ લાફો માર્યો નહીં ભાનગઢ યુનિવર્સિટીમાં ફર્સ્ટ યર ગ્રેજ્યુએશન સ્ટુડન્ટ આરિફુદ્દીન મોલ્લાએ પોતાના પ્રયોગને નામ આપ્યું, “પાકિસ્તાનને લઈને જનતાની ધારણા સમજવી.” આરિફે જણાવ્યું કે, ‘જમ્મુ-કાશ્મીરમાંથી કલમ 370 નાબૂદ કર્યા બાદ લોકોના મનમાં શું ચાલી રહ્યું છે તે જાણવા માગતો હતો. આ નિર્ણયને મોટાપાયે આવકાર મળી રહ્યો છે ત્યારે હું જોવા માગતો હતો કે પાકિસ્તાન અંગે આપણી ધારણા બદલાઈ છે કે નહિ.’ 8 કલાક સુધી ઊભો રહ્યો આરિફ 19 વર્ષના આરિફે પોતાના હાથે પોસ્ટર બનાવ્યું અને તેને લઈને દક્ષિણ એવન્યૂ પહોંચ્યો. ત્યાં મેનકા સિનેમા પાસે ધકુરિયા તળાવના પ્રવેશદ્વાર પર જઈને ઊભો રહ્યો. શનિવારે બપોરે 12 વાગ્યાથી રાત્રે 8 વાગ્યા સુધી હાથમાં પોસ્ટર લઈને ઊભો રહ્યો હતો. 8 કલાકના આ પ્રયોગમાં આરિફે અનુભવ્યું કે, પાકિસ્તાની લોકો પ્રત્યે સ્થાનિકોમાં કોઈ શત્રુ ભાવ નથી. 14 ઓગસ્ટે અપલોડ કરશે વીડિયો આરિફ ધ ફંકી એક્સપ્રેસ નામની યૂટ્યૂબ ચેનલ ચલાવે છે. સ્વતંત્રતા દિનના એક દિવસ પહેલા એટલે કે 14 ઓગસ્ટે આરિફ આ વીડિયો તેની ચેનલ પર અપલોડ કરશે. આ યૂટ્યૂબ ચેનલ આરિફ અને 118 વર્ષનો સુજાદૌલા સાથે મળીને ચલાવે છે. સુજાદ વીડિયો શૂટ કરે છે.

જુઓ, મુંબઈવાસીઓએ કાશ્મીરીઓ માટે ટ્વિટ કરીને શું કહ્યું

લેખક વિશે
શિવાની જોષી
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો

Read Next Story