ગોરખપુર: ઉત્તરપ્રદેશના ગોરખપુરમાં સોમવારે પ્રાકૃતિક ચિકિત્સા દિવસ નિમિત્તે 340 લોકોએ તેમના આખા શરીર પર પ્રાકૃતિક ચીકણી માટીનો લેપ લગાડ્યો. આ કારણે તેમનું નામ એશિયન બુક ઑફ રેકોર્ડ્સમાં નોંધવામાં આવ્યું છે. શરીર પર ચીકણી માટીનો લેપ લગાડવાનું આયોજન નેચરલ હેલ્થ સેન્ટર, આરોગ્ય મંદિરમાં કરવામાં આવ્યું હતું. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો આરોગ્ય મંદિરના સંચાલક ડૉક્ટર વિમલ કુમાર મોદીએ જણાવ્યું કે માટી આપણા માટે લાભદાયી અને ગુણકારી છે. જ્યારે શરીર પર ચીકણી માટીનો લેપ કરવામાં આવે ત્યારે પ્રકૃતિનો આશીર્વાદ મળે છે. આ આયોજનમાં ભાગ લેનાર બાલકેશ મધેશિયાએ જણાવ્યું કે આજકાલ શહેરના લોકો તણાવ અને હાઈ બ્લડપ્રેશર જેવી બીમારીઓનો સામનો કરી રહ્યા છે. આ પ્રકારના રોગથી પોતાને બચાવવા માટે અને તંદુરસ્ત રહેવા માટે શરીર પર ચીકણી માટીનો લેપ લગાડ્યો છે. આજકાલ શહેરનું વાતાવરણ પણ એટલું પ્રદૂષિત થઈ ગયું છે કે પ્રકૃતિના શરણમાં જવું જરૂરી છે. શરીર પર ચીકણી માટીનો લેપ લગાડવાના આ આયોજનમાં 500 કરતા વધારે લોકોએ ભાગ લીધો હતો.
આ શહેરમાં 300 કરતા વધારે લોકોએ શરીર પર ચીકણી માટીનો લેપ લગાડીને બનાવ્યો રેકોર્ડ
I am Gujarat 19 Nov 2019, 5:38 pm