ભોપાલ: મોબાઈલ ગેમ PUBGના ચક્કરમાં ઘણી વખત બાળકો પોતાને મુશ્કેલીમાં મુકી દે છે. એવી જ એક ઘટના મધ્ય પ્રદેશના ગુનામાં સામે આવી છે. અહીં એક પ્રતિષ્ઠિત પરિવારના ચાર બાળકો PUBG ‘મિશન’ને પૂરું કરવા માટે ઘરેથી એક લાખ રૂપિયા લઈને 500 કિલોમીટરની મુસાફરી પર નીકળી પડ્યા. જોકે, બાદમાં ભારે જહેમત બાદ પોલીસે તેમને પકડી લઈ પરિવારજનોને સોંપી દીધા. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો પોલીસના જણાવ્યા મુજબ, પૂછપરછમાં બાળકોએ પહેલા તો એવું જણાવ્યું કે, તેઓ ગ્વાલિયરમાં આવેલા એક મોલની જાહેરાત જોઈ હતી, એટલે ત્યાં ફરવા આવ્યા છે. પણ, પોલીસને તેમની વાતો પર વિશ્વાસ ન આવ્યો. એક પોલીસ અધિકારીએ જણાવ્યું કે, ‘બાળકો પૈસાદાર ઘરના લાગતા હતા. એટલે એ વિશ્વાસ કરવો મુશ્કેલ હતો કે માત્ર એક મોલ જોવા માટે તે ઘરેથી 250 કિમી દૂર (જ્યાંથી પોલીસે તેમને પકડ્યા) આવ્યા હોય.’ મિશનને કોઈપણ કિંમતે પુરું કરવા માગતા હતા ગુના પોલીસ કમિશનર રાહુલ લોઢાએ જણાવ્યું કે, ‘મને જાણકારી મળી છે કે, હકીકતમાં તેઓ PUBG ગેમ અંતર્ગત અપાયેલા મિશનને પુરું કરવા માટે 500 કિલોમીટરની મુસાફરી પર નીકળ્યા હતા. તે કોઈપણ કિંમતે આ મિશનને પુરું કરવા ઈચ્છતા હતા. એવું લાગી રહ્યું છે કે, ગેમ દરમિયાન તેમને એવું લક્ષ્ય અપાયું હતું કે, તે 500 કિલોમીટરની મુસાફરી કરે, નહીં તો ગેમમાં આગળ વધવા માટે લાઈફલાઈન નહીં ખુલે.’ પરિવાર ઊંઘી રહ્યો હતો, ત્યારે ભાગી નીકળ્યા બાળકો પોલીસે જણાવ્યું કે, રવિવારે જ્યારે ઘરવાળા ઊંઘી રહ્યા હતા, ત્યારે આ ચાર પિતરાઈ ભાઈ-બહેનો (15 અને 13 વર્ષની બે છોકરીઓ તેમજ 9 અને 11 વર્ષના બે છોકરા) ત્યાંથી ભાગી નીકળ્યા. ત્યાંથી તેઓ સીધા ગુના રેલવે સ્ટેશન પહોંચ્યા. સોમવારે સવારે જ્યારે પરિવારજનો ઉઠ્યા તો ઘરમાં બાળકોને ન જોતાં બધા ગભરાઈ ગયા. તે પછી તેમણે પોલીસને જાણ કરી. સીસીટીવી ફૂટેજમાં મળી બાળકોની જાણકારી તે પછી પોલીસે તાત્કાલિક એક્શન લેતા સ્થાનિક અને આસપાસના જિલ્લાના બધા પોલીસ મથકો, બસ સ્ટેશનો અને રેલવે સ્ટેશનોને એલર્ટ કરી દીધા. સીસીટીવી ફુટેજ જોવામાં આવ્યા. જીઆરપીને એલર્ટ કરાઈ. આસપાસના સ્ટેશનોના ફુટેજ તપાસવા પર ગ્વાલિયર રેલવે સ્ટેશન પર બાળકો જોવા મળ્યા. તે પછી જીઆરપીએ બાળકોને ગુના પોલીસને સોંપી દીધા, જ્યાંથી બાળકોને પરિવારજનો પાસે સુરક્ષિત પહોંચાડાયા. સૂત્રોએ જણાવ્યું કે, બાળકોએ મુસાફરી કરવામાં 2 હજાર રૂપિયા ખર્ચી નાખ્યા હતા અને તેમની પાસેથી 98,000 રૂપિયા મળી આવ્યા છે.