નેવીની 6 મહિલા ઓફિસર સાગર પરિક્રમા પર , PMએ ટ્વીટ કરી પાઠવી શુભેચ્છા

I am Gujarat

નેવીની મહિલા ઓફિસરનું સાહસ

ભારતીય નૌસેનાની 6 મહિલા ઓફિસરોએ રવિવારે દુનિયાની યાત્રા ‘નાવિકા સાગર પરિક્રમા’ની શરૂઆત કરી. પ્રધાનમંત્રી નરેન્દ્ર મોદીએ આ મહિલા ઓફિસરોને શુભકામનાઓ પાઠવી છે. આ ટીમનું નેતૃત્વ લેફ્ટિનેન્ટ કમાન્ડર વર્તિકા જોશી કરી રહી છે. તેમની સાથે લેફ્ટિનેન્ટ કમાન્ડર પ્રતિભા જામવાલ, પી.સ્વીતિ અને લેફ્ટિનેન્ટ એસ.વિજ્યા દેવી, બી. એશ્વર્યા અને પાયલ ગુપ્તા છે.

PMએ ટ્વીટ કરી આપી શુભેચ્છા

પી.એમ મોદીએ ટ્વીટર પર લખ્યું, આજે વિશેષ દિવસ છે. નૌસેનાની છ મહિલા અધિકારીઓએ INSV તારિણીથી દુનિયાનું ચક્કર લગાવવાની યાત્રા શરૂ કરી. તેમણે લખ્યું, આખો દેશ એક સાથે મળીને નાવિકા સાગર પરિક્રમાની ટીમને શુભકામનોઆ પાઠવી રહ્યો છે અને તેમની અસાધારણ યાત્રા માટે શુભેચ્છા.

સાગરની કરશે પરિક્રમા

મહિલા ટીમે પોતાની યાત્રા ગોવાના તટથી શરૂ કરી છે. તેમની યાત્રા દુનિયાના વિભિન્ન સાગરોમાં થઈને માર્ચ 2018માં સમાપ્ત થશે. આ આખી યાત્રા પાંચ ચરણોમાં પુરી થશે. આ દરમિયાન તેઓ પોતાની સાથે અન્ન અને સારસંભાળ માટે ઓસ્ટ્રેલિયા, ન્યૂઝિલેન્ડ, ફોકલેન્ડ અને દક્ષિણ આફ્રિકાના બંદરગાહો પર રોકાશે.

ભારતીય નેવી માટે ઐતિહાસિક દિવસ

આ ખાસ અવસર પર કેન્દ્રિય મંત્રી સીતારમણે કહ્યું, આ એવી તક નથી જે પાંચ કે દસ વર્ષોમાં આવતી હોય. આ ભારત માટે નૌકાવહન ક્ષેત્રમાં ઐતિહાસિક દિવસ છે. હું મસજુ છું કે, આપણી મહિલા નૌસેનિકો તે કામ કરી રહી છે જે મોટા ભાગની નૌસેના વિચારી પણ નથી શકતી.