UP: સગીર ભાઈઓએ 6 વર્ષની બાળકી પર દુષ્કર્મ આચરી કરી હત્યા

બરેલીઃ ઉત્તર પ્રદેશના લખીમપુર ખીરી જિલ્લામાં એક હત્યા અને ગેંગરેપની ગંભીર ઘટના સામે આવી છે. 2 સગીર ભાઈઓએ 6 વર્ષની એક માસૂબ બાળકી સાથે ગેંગરેપ કરી તેની હત્યા કરી નાંખી. પોલીસે ગુરુવારે જણાવ્યું કે ધોરણ 1માં અભ્યાસ કરતી બાળકી મંગળવારથી જ ગુમ હતી. જે છેલ્લે આરોપીઓના ઘર પાસે રમતી જોવા મળી હતી. બાળકી જ્યારે ઘરે પરત ન ફરી તો પરિવારજનોએ તેને શોધવાનો પ્રયત્ન કર્યો. આખરે તેમણે પોલીસને જાણ કરતા પોલીસ પણ તેની તપાસમાં લાગી. ખીરીના SSP પૂનમએ કહ્યું કે તપાસ દરમિયાન મોડી રાત્રે બાળકીનો મૃતદેહ ત્યારે મળ્યો જ્યારે આરોપીની માતાએ પોલીસ સમક્ષ ગુનો કબુલી લીધો. આરોપીની માતાએ સ્વીકાર્યું કે તેને જ્યારે ખબર પડી કે તેના પુત્રએ બાળકીનું ગળું દબાવીને હત્યા કરી છે તો બાળકીના મૃતદેહને ઠેકાણે પાડવા માટે તેણે તેના પુત્રોની મદદ કરી. ફૂલબેહદ પોલીસ સ્ટેશનના SHO શ્યામ નરાયણ સિંહે કહ્યું કે, ‘બાળકીનો મૃતદેહ આરોપીઓના ઘરથી લગભગ 200 મીટર દૂર મળ્યો. આરોપીએએ જણાવ્યું છે કે તેમણે ચોકલેટની લાલચ આપીને બાળકીને ઘરે બોલાવી હતી.’ બંને આરોપી અભ્યાસ છોડી ચૂક્યા છે. તેમની ઉંમર 12 અને 15 વર્ષ છે. તેમનો પરિવાર મજૂરીકામ કરે છે. આરોપી બાળકોએ પણ દુષ્કર્મ આચર્યું હોવાનું કબુલ્યું છે. પોલીસે બંને ભાઈઓ સાથે તેમની માતાની ધરપકડ કરી તેમની સામે હત્યા અને પોક્સોની કલમ મુજબ ગુનો દાખલ કરવામાં આવ્યો છે. (ડિસ્કલેમરઃ સુપ્રીમ કોર્ટની ગાઈડલાઈન મુજબ આ સમાચારમાં પીડિતાના ગોપનીયતાના અધિકારનું સમ્માન કરતા તેમની ઓળખ જાહેર કરવામાં આવી નથી.)