80 વર્ષના મહિલાને તેમની 12 વીઘા જમીન પીએમ મોદીના નામે કરવી છે, ભાવુક કારણ

આશીષ સક્સેના, મેનપુરીઃ વડાપ્રધાન નરેન્દ્ર મોદી દ્વારા ચલાવવામાં આવી રહેલી યોજનાઓથી પ્રભાવિત થઈને મેનપુરીની એક વૃદ્ધ મહિલાએ પોતાની જમીન તેમના નામે કરવાનો નિર્ણય લીધો છે. 80 વર્ષના બિટ્ટન દેવીનું કહેવું છે કે તેમના દીકરા તેમનું ધ્યાન નથી રાખી રહ્યા અને તેમને હેરાન કરે છે. વડાપ્રધાન મોદી તરફથી મળતી રાહતના કારણે તેમનું ગુજરાન ચાલે છે. એવામાં તેઓ પોતાના સાડા 12 વીઘા જમીન તેમના નામે કરવા માગે છે. આખા જિલ્લામાં વડાપ્રધાન મોદીની પ્રશંસક આ વૃદ્ધિના નિર્ણયની ચર્ચા થઈ રહી છે.

જાણકારી મુજબ, ચિતાયનની રહેવાસી બિટ્ટન દેવી ગુરુવારે તાલુકા મથક પર પહોંચ્યા હતા અને તેમણે પોતાની જમીન વડાપ્રધાન મોદીના નામે કરવાની ઈચ્છા વ્યક્ત કરી હતી. તેમણે કહ્યું કે તેમના પરિવારના લોકો તેમનું ધ્યાન નથી રાખતા પરંતુ મોદીએ તેમની તમામ તકલીફ દૂર કરી છે. તેમણે દર મહિને સમયસર પેન્શન, કરિયાણુ અને ખેડૂત સન્માન નિધિ પ્રાપ્ત થાય છે, જેનાથી તેમનું જીવન ચાલી રહ્યું છે. એવામાં તેઓ પોતાની તમામ જમીન વડાપ્રધાનના નામે કરવા માગે છે, જેથી અન્ય લોકોને સરકારી યોજનાનો લાભ મળતો રહે.

મહિલાને જોવા માટે તાલુકામાંથી ભીડ એકઠી થઈ

પહેલા તો વૃદ્ધ મહિલાને વકીલ ખૂબ સમજાવ્યા, પરંતુ તેઓ પોતાના નિર્ણય પર અડગ રહ્યા છે, અને તેઓ પોતાની તમામ જમીન વડાપ્રધાન મોદીના નામે કરવા માગે છે. વકીલે મહિલાના ઘરવાળા સાથે વાત કરી અને વૃદ્ધ મહિલાને પછી આવવા માટેની વાત કહીને ઘરે મોકલી દીધા. તેમના આ નિર્ણયને કારણે તેમને જોવા માટે મોટી સંખ્યામાં લોકો ઉમટી પડ્યા હતા તેવા અહેવાલો પણ સામે આવી રહ્યા છે.

બે દિવસ પછી ફરી ફરી તાલુકા ઓફિસ આવશે

બિટ્ટન દેવીનું કહેવું છે તેમના પતિનું મૃત્યુ થઈ ગયું છે. તેમના ઘરમાં ત્રણ વહુ અને દીકરા છે. પરિવાર તેમનું ધ્યાન નથી રાખતો. બિટ્ટન દેવીએ બે દિવસ પછી ફરી તાલુકા ઓફિસ આવવાની વાત કરી છે.