સામાન્ય રીતે આપણે 40 વટાવીએ એટલે જીમ તો બહુ જ દૂરની વાત રહી ઘરે પણ સામાન્ય કસરત કરવામાં બહાના કરવા લાગીએ છીએ કે હવે ઉંમર થઈ ગઈ થાકી જવાય છે. જો રસ્તા પર થોડું ચાલવાનું હોય તો વાત જ મુકી દો તરત જ કહે કે વાહન કાઢો આપણી તો ઉંમર થઈ હવે આટલું ચલાતું નથી પહેલા બહુ ચાલ્યા. પરંતુ આ દાદાનો વીડિયો જોઈને તો આવા સ્વેચ્છાએ ઘરડા બની ગયેલા લોકો તો ઠીક પણ 25 વર્ષના ભલભલા યુવાનને પણ શરમ આવી જાય. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો આ વીડિયો રિટાયર એરમાર્શલ પી.વી. અય્યરનો છે. તેઓ 90 વર્ષના છે. આમ છતા તેઓ પુલ અપ્સ મારે છે. તેમનો વીડિયો સામે આવ્યા બાદ લોકો દાદાના ફેન બની ગયા છે. નેટિઝન દાદાને હેલ્થ અને એક્સર્સાઈઝ માટે રોલ મોડેલ ગણાવી રહ્યા છે. દાદાનો આ વીડિયો તેમના જ દીકરા પરમ અય્યરે શેર કર્યો છે. તેઓ જળ અને સ્વચ્છતા મંત્રાલયમાં સેક્રેટરી છે. આ પહેલા પણ 2018માં તેમણે પોતાના પિતા અય્યરનો વીડિયો શેર કર્યો હતો.જેમાં તેમણે જણાવ્યું હતું કે તેઓ 88 વર્ષે પણ રોજના 10 કિમી દોડે છે. તેમજ જિમમાં પણ નિયમિત એક્સર્સાઈઝ કરે છે. તેઓ સમગ્ર પરિવારા માટે યુવાન રહેવા અને હલ્ધી બની રહેવા માટે એક ઇન્સ્પિરેશન પુરું પાડે છે. સોશિયલ મીડિયા પર આ વીડિયો ખૂબ વાયરલ થઈ રહ્યો છે. લોકોએ રિસ્પેક્ટ સાથે કહ્યું કે જે આપણે 50ની ઉંમર સુધી કરવા માગીએ છીએ તે આ દાદા 90 વર્ષે પણ કરે છે. તેમને સલામ છે.