જાહેર રસ્તા પર રહેલા છોડવાઓને પાણી પીવડાવવા રોજ સવારે 4 વાગ્યે ઉઠે છે 91 વર્ષના વૃદ્ધ

લોકો ઘરમાં લગાવેલા છોડને પાણી પીવડાવવા પણ સવારે 4.00 વાગ્યે નથી ઉઠતાં ત્યાં ગુરુગ્રામમાં રહેતા 91 વર્ષના દાદા રોજ સવારે ચારથી પાંચ વાગ્યે ઉઠીને છોડવાઓને પાણી પીવડાવવા માટે નીકળી જાય છે. દાદાની કમરમાં દર્દ રહે છે તે માટે તેઓ બેલ્ટ પણ પહેરે છે. આટલું બધું હોવા છતાં પણ તેઓ ડિવાઈડર સુધી જાય છે અને છોડવાઓને પાણી પીવડાવે છે. સોશિયલ મીડિયા પર તેમનો વિડીયો વાયરલ થયો છે અને લોકો તેમના જુસ્સાને સલામ કરી રહ્યાં છે.

દિલથી સલામ!

આ વિડીયો આઈએએસ ઓફિસર નીતિન સાંગવાને શૅર કર્યો. તેમણે કેપ્શનમાં લખ્યું કે, 'તમારી ઉંમર 91 વર્ષ છે, કમર પણ દુઃખે છે. છતાં, ગુરુગ્રામમાં રોજ સવારે 4 વાગ્યે પબ્લિક રોડ પર છોડવાઓને પાણી પીવડાવવા પહોંચી જાઓ છો. દિલથી સલામ!' તેમનું આ ટ્વીટ વાયરલ થયું હતું અને જોતજોતામાં લોકોને દાદાનો આ જુસ્સો ખૂબ જ ગમી ગયો હતો.

ભારતમાતાના દીકરાને સલામ!

સ્વાર્થ વગરનું કામ કરતા ઓછા લોકો બચ્યા છે

દેસીમાં જ દેશહિત વસે છે

અન્યને પણ શીખવું જોઈએ