વિંગ કમાંડર અભિનંદન વર્તમાને ફરી એકવાર ઉડાવ્યું મિગ-21, એરફોર્સ ચીફ પણ સાથે બેઠા

નવી દિલ્હીઃ વિંગ કમાંડર અભિનંદન વર્તમાને ગત ફેબ્રુઆરીમાં પાકિસ્તાની F16 ફાઇટર જેટને તોડી પાડ્યા બાદ પાકિસ્તાનની ધપકડમાંથી છૂટીને ભારત આવ્યા પછી પહેલીવાર ફાઇટર જેટ ઉડાવ્યું હતું. વીર ચક્રથી સમ્માનિત અભિનંદન સાથે વાયુસેના પ્રમુખ એર ચીફ માર્શલ બીએસ ધનોઆ પણ વિમાનના કો પાયલટ તરીકે સાથે હતા. બંને મીગ-21માં થોડે દૂર સુધી ઉડ્યા હતા. વાયુસેના પ્રમુખ પણ મિગ-21ના ક્વોલિફાઇડ પાયલટ છે. તેમણે કારગિલ યુદ્ધ સમયે 17મી સ્ક્વોડ્રનની કમાન સંભાળતા પ્લેન ઉડાવ્યા હતા.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:બાલાકોટ એરસ્ટ્રાઇક બાદ ભારત અને પાકિસ્તાન વચ્ચે તણાવ દરમિયાન વિંગ કમાંડર અભિનંદન એક મોટો ચહેરો બન્યા હતા. અભિનંદન ભારત પરત ફર્યા બાદ ફરી પ્લેન ઉડાવશે કે નહીં તે એખ સસ્પેન્સ હતું. જોકે એરફોર્સ ચીફ ધનોઆએ સ્પષ્ટ કર્યું હતું કે મેડિકલ ફિટનેસ બાદ અભિનંદન ફરીથી પ્લેન ઉડાવી શકશે. ગત મહિના એરફોર્સના બેંગલુરુમાં આવેલ ઇન્સ્ટિટ્યુટ ઓફ એરોસ્પેસ મેડિસિને અભિનંદનને ફરીથી પ્લેન ઉડાવવાની મંજૂરી આપી દીધી હતી.મહત્વનું છે કે 14 ફેબ્રુઆરીના દિવસે પુલવામાં આતંકવાદી હુમલા બાદ ભારતે વળતો પ્રહાર કરતા 26 ફેબ્રુઆરીના દિવસે એર સ્ટ્રાઇક કરી હતી. 27 ફેબ્રુઆરીના રોજ ભારતીય સીમામાં ઘુસી આવેલ પાકિસ્તાની લડાકુ વિમાનને ભારતીય સરહદમાંથી બહાર ખદેડતા અભિંદન પણ મિગ-21માં LOC પાર કરી ગયા હતા અને પાકિસ્તાની F-16ને તોડી પાડ્યું હતું. જે બાદ તેમનું વિમાન પણ ક્રેશ થઈ ગયું હતું. જ્યારે પાકિસ્તાની સેનાએ તેમને પકડ્યા ત્યારે પણ તેમણે અદમ્ય સાહસનો પરિચય આપ્યો હતો.