નવી દિલ્હી: ગાણિતિક મૉડલ પર આધારિત અનુમાનો પ્રમાણે, ભારત આગામી 18 જૂનના રોજ 1.92 લાખ પોઝિટિવ કેસો સાથે ધરાવતો હશે. આ સૌથી વધુ સંભવિત મોડલ છે. બીજી તરફ SEIR મોડલના આધારે 18 જૂનના રોજ ભારતમાં 2.78 લાખ કોરોના પોઝિટિવ કેસ હશે. આ બંને અનુમાન ટાઈમ્સ ફેક્ટ-ઈન્ડિયા આઉટ બ્રેક રિપોર્ટમાંથી લેવામાં આવ્યા છે. ગત સપ્તાહના અનુમાનોમાં સૌથી સંભવિત મૉડલ 18 જૂનના રોજ 1.86 લાખ એક્ટિવ કેસ દેખાડવામાં આવ્યા હતા. જણાવી દઈએ કે પોઝિટિવ કેસમાં એવા લોકો નથી જે તેનાથી સ્વસ્થ થઈ ચૂક્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:કોરોના વાયરસથી સૌથી વધુ પ્રભાવિત રાજ્ય મહારાષ્ટ્રમાં સંભવિત મૉડલ અંતર્ગત 10 જૂનના રોજ 55,545 કોરોના પોઝિટિવ કેસ હશે. બીજી તરફ SEIR મૉડલ અનુસાર, મહારાષ્ટ્રમાં 10 જૂનના રોજ 66,814 કેસ હશે.જણાવી દઈએ કે, પ્રોટિવિટ એક ડેટા રિસર્ચ ફર્મ છે. ટાઈમ્સ નેટવર્કે કોરોના પર ટાઈમ્સ ફેક્ટ ઈન્ડિયા આઉટબ્રેક રિપોર્ટ બનાવવા માટે તેની સાથે ભાગીદારી કરી છે જે ભારતમાં કોરોના વાયરસની મહામારી અને તેના વિભિન્ન પાસાં પર વિચાર કરી રહ્યું છે.આજે ક્યાં છે ભારતલૉકડાઉન 3.0ના છેલ્લા દિવસ એટલે 17 મેના રોજ ભારતમાં 5 હજાર નવા કેસ સામે આવ્યા છે. ભારતમાં અત્યાર સુધી 90,927 કોરોના પોઝિટિવ કેસ નોંધવામાં આવ્યા છે. હાલ એક્ટિવ કેસોની સંખ્યા 53,946 છે, બીજી તરફ 34,109 લોકો આ બીમારીથી સ્વસ્થ થઈ ચૂક્યા છે. બીજી તરફ મૃત્યુ પામનારા લોકોની સંખ્યા 2,872 થઈ ગઈ છે. બીજી તરફ, જો વૈશ્વિક સંદર્ભમાં વાત કરીએ તો આખા વિશ્વમાં અત્યાર સુધી 46 લાખથી વધુ લોકોને કોરોનાએ પોતાની ઝપેટમાં લીધા છે જેમાં 3.1 લાખથી વધુ લોકોના મોત થઈ ચૂક્યા છે.ભારત દુનિયા 11મો સૌથી સંક્રમિત દેશ બનવાની સાથે ચીનથી આગળ નીકળી ગયો છે. અમેરિકામાં 17 મે સુધી 14.7 લાખ લોકો કોરોનાથી સંક્રમિત હોવાનો ડેટા સામે આવ્યો છે. આમાં 88, 754 લોકોના મોત થઈ ચૂક્યા છે. અમેરિકા કોરોનાથી સૌથી વધુ પ્રભાવિત દેશ છે.