મુંબઈઃ લાખો લોકોની જેમ પોતાનું નસીબ અજમાવવા માટે ઉત્તર પ્રદેશથી એક યુવક માયાનગરી મુંબઈમાં આવ્યું. મુંબઈમાં ત્રણ વર્ષ સુધી ભાડાના મકાનમાં રહ્યો અને ઓડિશન આપતો રહ્યો. પરંતુ નસીબે તેને સાથ ન આપતા ઓડિશન આપવાનું બંધ કરી ચેઈન સ્નેચિંગ કરવા લાગ્યો. રેલવે પોલીસના હાથે ઝડપાયેલા મોહમ્મદ સૈફ અસગર અલી ચૌધરી અત્યારસુધીમાં સોનાની ચેઈન અને મંગળસૂત્ર ખેંચવાના 16 જેટલા ગુનામાં સંપડાયેલો છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
એક્સપ્રેસ ટ્રેનોને બનાવતો નિશાન
મોહમ્મદ સૈફ અસગર અલી ચૌધરી મુંબઈ જનારી મેલ એક્સપ્રેસ ટ્રેનોને નિશાન બનાવતો હતો, ખાસ કરીને કોકણ જતી ટ્રેનોમાં તે આવી હરકત કરતો હતો. છેલ્લા ત્રણ મહિનાથી આ રૂટની ટ્રેનોમાં ચેઈન સ્નેચિંગની ઘટનાઓ વધી ગઈ હતી. સતત ફરિયાદો બાદ રેલવે પોલીસે પનવેલથી સીએસએમટી સુધી નજર રાખવા માટે 5 વિશેષ ટીમો બનાવી.
સૈફ પર શંકા જતા કરાઈ ધરપકડ
5મેના રોજ બપોરે થાણે સ્ટેશન પર ફરી રહેલા સૈફ પર પોલીસની નજર પડી. તેની ગતિવિધિઓ પર શંકા જતા ક્રાઈમ બ્રાંચના પોલીસ નિરીક્ષક સુરેશ ચોપરાની ટીમે પૂછપરછ કરવા માટે તેની અટકાયત કરી હતી. જેની તપાસ કરતા જાણ થઈ કે તેણે એક્સપ્રેસ ટ્રેનમાં ચોરી કરી છે.
પૂછપરછ દરમિયાન કબૂલ્યો ગુનો
પ્રતિકાત્મક તસવીર પોલીસના હાથે ઝડપાતા સૈફે ધીમે-ધીમે પોતાનો ગુનો કબૂલી લીધો હતો. તેણે પોલીસને જણાવ્યું કે તે અત્યારસુધીમાં 16 વખત ચેઈન સ્નેચિંગ કરી ચૂક્યો છે. તેણે કુર્લા, દાદર, થાણે અને સીએસએમટી સ્ટેશન પરથી કુલ 12 લાખ 92 હજાર રૂપિયાના કિંમતના ઘરેણાંની ચોરી કરી છે. સૈફ આ ઘરેણાંનું સોનું ગાળવાનું કામ સાબિર અફસરુદ્દીન શેખને વેચતો હતો. સૈફે જણાવ્યું કે તે મોડી રાત્રે અથવા વહેલી સવારે ટ્રેનોના ગેટ પાસે મુસાફરોને શિકાર બનાવતો હતો. ટ્રેન ધીમી થાય ત્યારે તે વોશ બેસિનનો ઉપયોગ કરનારા લોકોના ગળામાંથી ચેઈન ખેંચી ભાગી જતો હતો.
મિતલ ગઢીયા છેલ્લા સાત વર્ષ કરતાં વધુ સમયથી પત્રકારત્વ ક્ષેત્ર સાથે જોડાયેલા છે. શરૂઆતથી જ તેઓ ન્યૂઝ એડિટર તરીકે કામ કરી રહ્યા છે. તેમણે ગુજરાત યુનિવર્સિટીમાંથી B.Com અને માસ્ટર ઈન માસ કોમ્યુનિકેશન એન્ડ જર્નાલિઝન ડિપાર્ટમેન્ટમાંથી પોસ્ટ ગ્રેજ્યુશનની ડિગ્રી મેળવી છે. તેઓ વીટીવી ન્યૂઝ, એબીપી અસ્મિતા અને ટીવી 9 જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.