કાશ્મીર પર કોંગ્રેસના નેતાએ આવો સવાલ કરતા ભડક્યા અમિત શાહ

જમ્મુ કાશ્મીરના પુન:ગઠન મામલે લોકસભામાં ચાલી રહેલી ચર્ચામાં કોંગ્રેસના નેતા અધીર રંજન ચૌધરીએ ગૃહમંત્રી અમિત શાહને કાશ્મીર કઈ રીતે આંતરિક મુદ્દો ગણી શકાય તેવો સવાલ પૂછતા જોરદાર હોબાળો થયો હતો. ચૌધરીએ કહ્યું હતું કે, 1948થી યુએન કાશ્મીરની સ્થિતિને મોનિટર કરે છે, તેવામાં તે આંતરિક બાબત કઈ રીતે હોઈ શકે? આપણે શિમલા કરાર, લાહોર ડિક્લેરેશન પર સહી કરી હતી, શું તે આંતરિક બાબત હતી કે દ્વિપક્ષીય? ચૌધરીએ એમ પણ કહ્યું હતું કે, પહેલા પણ તમે તમામ નિયમો તોડીને રાજ્યને રાતોરાત કેન્દ્રશાસિત પ્રદેશમાં ફેરવી દીધું હતું.